Zaćvierdžany novyja pamiery minimalnych spažyvieckich biudžetaŭ

U Biełarusi zaćvierdžany novyja pamiery siaredniedušavych minimalnych spažyvieckich biudžetaŭ (MSB) dla vaśmi sacyjalna-demahrafičnych hrup nasielnictva, paviedamili ŭ adździele kompleksnych prablem raźvićcia sacyjalna-pracoŭnaj śfiery Ministerstva pracy i sacyjalnaj abarony.

Siaredniedušavy minimalny spažyviecki biudžet siamji z čatyroch čałaviek z 1 žniŭnia pa 31 kastryčnika hetaha hoda składzie Br1 młn. 332 tys. 100 u raźliku na miesiac. Heta na 13,7% pieravyšaje narmatyŭ, jaki dziejničaje z 1 maja pa 31 lipienia 2012 hoda (Br1 młn. 171 tys. 590).

Pavodle słoŭ śpiecyjalistaŭ, asnoŭnyja krynicy raschodaŭ siaredniedušavoha MSB siamji z čatyroch čałaviek u cenach červienia 2012 hoda nastupnyja: pradukty charčavańnia — 57,2%, adzieńnie, bializna, abutak — 21,4%, karystańnie žyłym pamiaškańniem i kamunalnyja pasłuhi — 4,4%, bytavyja pasłuhi, transpart, suviaź — 4,7%, pradmiety kulturna-bytavoha i haspadarčaha pryznačeńnia — 7,8%, kulturna-aśvietnyja mierapryjemstvy i adpačynak — 1,3%, uznosy i płaciažy — 0,9%, pradmiety sanitaryi, hihijeny, lakarstvy — 2,3%.

Zaćvierdžany taksama siaredniedušavyja minimalnyja spažyvieckija biudžety maładoj siamji z troch čałaviek — Br1 młn. 397 tys. 350,

pracazdolnaha nasielnictva — Br1 młn. 670 tys. 390, piensijanieraŭ — Br1 młn. 296 tys. 600, studentaŭ — Br1 młn. 305 tys. 430, dziaciej va ŭzroście da 3 hadoŭ — Br1 młn. 37 tys. 430, dziaciej va ŭzroście ad 3 da 6 hadoŭ — Br1 młn. 249 tys. 100, dziaciej va ŭzroście ad 6 da 18 hadoŭ — Br1 młn. 503 tys. 710.

U adpaviednaści z zakanadaŭstvam, minimalny spažyviecki biudžet ujaŭlaje saboj raschody na nabyćcio naboru spažyvieckich tavaraŭ i pasłuh dla zadavalnieńnia asnoŭnych fizijałahičnych i sacyjalna-kulturnych patrebnaściej čałavieka.

MSB prymianiajecca jak sacyjalny narmatyŭ dla prahnazavańnia źmianieńniaŭ uzroŭniu žyćcia nasielnictva, uzmacnieńnia sacyjalnaj padtrymki małamajomnych hramadzian, abhruntavańnia minimalnych pamieraŭ dziaržaŭnych sacyjalnych harantyj.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH