Fota ilustracyjnaje
U studzieni-lutym 2024 hoda ŭ Biełarusi było 1134 stratnych arhanizacyj, a suma čystych strat skłała amal 1,4 młrd rubloŭ.
Lidziruje pa kolkaści stratnych arhanizacyj pramysłovaść. Za pieršyja dva miesiacy hetaha hoda ŭ Biełarusi naličvałasia 309 stratnych pramysłovych pradpryjemstvaŭ. Suma čystych strat hetych arhanizacyj pavialičyłasia amal u 2,5 raza ŭ studzieni-lutym 2024 hoda ŭ paraŭnańni z anałahičnym pieryjadam 2023 hoda, i skłała 887,9 młn rubloŭ.
Na druhim miescy pa kolkaści stratnych arhanizacyj znachodzicca śfiera «ramont aŭtamabilaŭ i matacykłaŭ». U studzieni-lutym 2024 hoda ŭ Biełarusi naličvałasia 204 takija arhanizacyi. Suma čystych strat hetych arhanizacyj za pieršyja dva miesiacy 2024 hoda skłała 136,5 młn rubloŭ. Ale heta na 7,7% mienš, čym u studzieni-lutym minułaha hoda.
Na trecim miescy pa kolkaści stratnych arhanizacyj znachodzicca śfiera budaŭnictva. U studzieni-lutym 2024 hoda ŭ Biełarusi było 180 stratnych budaŭničych arhanizacyj. Suma strat hetych arhanizacyj skłała amal 50 młn rubloŭ.
Čytajcie taksama:
Čysty zarobak biudžetnikaŭ mocna niedaciahvaje da 500 dalaraŭ
Biełstat: VUP Biełarusi ŭ studzieni-sakaviku skłaŭ 53 miljardy rubloŭ
