Minhandal zabaraniŭ arhanizataru TAA «Śviet miodu i zdaroŭja plus» praviadzieńnie ŭ Biełarusi 26 kirmašoŭ miodu. Ab hetym paviedamiła siońnia žurnalistam namieśnik ministra handlu Iryna Narkievič.
«Pryniata rašeńnie ab zabaronie dla TAA «Śviet miodu i zdaroŭja plus» 26 kirmašoŭ miodu, jakija zapłanavany ŭ hetym hodzie na ŭsioj terytoryi Biełarusi», - skazała Iryna Narkievič.
Na praciahu sakavika ažyćciaŭlali sumiesnyja manitorynhi i pravierki KDK, Minhandal, Ministerstva achovy i zdaroŭja, Dziaržstandart, MPZ, Minsielhascharč kirmašoŭ miodu, jakija pravodzilisia ŭ hety čas u Biełarusi. Iryna Narkievič adznačyła, što vyjaŭleny šmatlikija parušeńni z boku arhanizatara i ŭdzielnikaŭ-pradaŭcoŭ. U pryvatnaści, realizacyja miodu arhanizataram «Śviet miodu i zdaroŭja plus» pravodziłasia z parušeńniem sanitarnych norm i hihijeničnych narmatyvaŭ. Naprykład, adsutničali dakumienty ab jakaści i biaśpiecy pradukcyi, dakumienty nie adpaviadali paznačanym na ceńnikach i na tary markirovačnym jarłykam ab naźvie pradukcyi, niekatoryja ŭzory nie źjaŭlalisia miodam (nie adpaviadali DAST). Inśpiekcyjaj MPZ pa Hrodzienskaj vobłaści kanfiskavana 16 tys. adzinak tavaru na sumu Br265 młn.
Iryna Narkievič nahadała, što ŭ adpaviednaści z zakonam ab handli arhanizatar kirmašu abaviazany prymać miery pa vykanańni zakanadaŭstva ŭdzielnikami.
