U Biełarusi źmienienyja sacyjalnyja standarty bytavoha absłuhoŭvańnia ŭ sielskaj miascovaści. Jak paviedamiła pres-słužba Ministerstva handlu, heta praduhledžana pastanovaj Savieta ministraŭ № 840 ad 27 žniŭnia, jakaja nabyła moc 3 vieraśnia.
Jak rastłumačyli ŭ Minhandlu, novym dakumientam aptymizavanyja tyja narmatyvy dziaržaŭnych sacyjalnych standartaŭ, jakija niedastatkova zapatrabavanyja nasielnictvam abo zatraty na jakija značna pieravyšajuć ich efiekt. U halinie bytavoha absłuhoŭvańnia aptymizavany narmatyŭ dziaržaŭnaha sacyjalnaha standartu pa zabiaśpiečanaści nasielnictva sietkaj kompleksnych pryjomnych punktaŭ pa pryjomie zamoŭ na akazańnie bytavych pasłuh u sielskaj miascovaści. Novy narmatyŭ na ŭzroŭni adzin kompleksny pryjomny punkt na 1,8—2,2 tys. čałaviek ustanoŭleny zychodziačy z uzroŭniu zapatrabavanaści bytavych pasłuh sielskim nasielnictvam, a taksama ŭ metach pavyšeńnia efiektyŭnaści funkcyjanavańnia kompleksnych pryjomnych punktaŭ i aptymizacyi ich struktury, adznačyła pres-słužba.
Udakładnienaja taksama jašče adna norma pa hetym sacyjalnym standarcie. U ahraharadkach, raźmieščanych na adlehłaści mienš jak 3 km ad takich ža kompleksnych pryjomnych punktaŭ, ad dziejnych abjektaŭ bytavoha absłuhoŭvańnia ŭ rajonnych i abłasnych centrach, a taksama ahraharadkach, zona absłuhoŭvańnia jakich mienš za 600 čałaviek, najaŭnaść kompleksnaha pryjomnaha punkta nie abaviazkovaja.
Dla akazańnia bytavych pasłuh nasielnictvu, jakoje žyvie na terytoryjach takich ahraharadkoŭ, moža być vykarystanaja vyjaznaja forma absłuhoŭvańnia. Hety narmatyŭ taksama źmienieny. Vyjaznoje absłuhoŭvańnie pavodle hrafika nie radziej jak adzin raz na dva tydni ažyćciaŭlajecca ŭ sielskich nasielenych punktach z kolkaściu žycharoŭ bolš za 200 čałaviek, z kolkaściu mienš za 200 čałaviek — na padstavie zajaŭki na praciahu dvuch tydniaŭ.
