Aeravakzał u Hrodnie mohuć pradać za 100 tys. rubloŭ 5

Daŭhabud čarhovy raz vystaviać na tarhi, paviedamlaje «Viečiernij Hrodno». Jaho i raniej sprabavali puścić z małatka, ale biezvynikova.

Jak raspaviała namieśnik staršyni Hrodzienskaha harvykankama Alena Ahiej, ciapier źjaviłasia mahčymaść pradać niedabudavany hmach aeravakzała na aŭkcyjonie z panižeńniem cany da adnoj bazavaj.

Praŭda, dla hetaha nieabchodna vykanać nastupny paradak: cana źnižajecca paetapna na 20, 50 i 80%. Tolki paśla hetaha daŭhabud mohuć pradać pa simvaličnym košcie.

Bližejšy aŭkcyjon zapłanavany na 26 śniežnia. Cana łota vyznačana ŭ 13,4 młrd rubloŭ.

Pa słovach surazmoŭnicy, kali tarhi adbuducca i aeravakzał znojdzie sabie novaha ŭładalnika, apošni pavinien budzie za 3 hady uciahnuć jaho ŭ haspadarčy abarot. Što tut budzie — sudzić składana, ale ŭ narodzie žartujuć: «Pramy avijarejs da Maskvy i kazino — čym nie rašeńnie prablemy daŭhabuda?».

tio.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH