Kamientary Alaksandra Łukašenki z nahody pryznačeńnia novaha ambasadara ŭ Budapiešcie byli apublikavanyja ŭ miascovaj presie, piša partał politics.hu.
«Vienhryja - heta byłaja sacyjalistyčnaja kraina, ź jakoj u nas u svoj čas byli dobryja adnosiny. Navat nie prosta dobryja, a vielmi blizkija adnosiny, - padkreśliŭ Łukašenka. - Tam usio ž taki, asabliva paśla taho jak jany najelisia «demakratyi» i rynkavaj ekanomiki, mnohija praćvierazieli».
Pres-sakratar vienhierskaha ŭrada Andraš Hiro-Sas skazaŭ, što hetyja słovy biełaruskaha kiraŭnika možna ŭsprymać tolki ŭ jakaści žartu.
«Słovy Łukašenki možna interpretavać tolki jak žart, tamu što Vienhryja imkniecca reahavać na ekanamičnyja i sacyjalnyja prablemy, ź jakimi sutykajucca ŭsie jeŭrapiejskija krainy ŭ ramkach demakratyi i viaršenstva zakona», - skazaŭ Hiro-Sas.
0
0
0
0
0
0
