«Hazpram» moža ŭziać udzieł u kupli akcyj nie tolki «Biełtranshazu», ale i inšych biełaruskich pradpryjemstvaŭ na ŭmovach Biełarusi, zajaviŭ Alaksandr Łukašenka 23 vieraśnia na sustrečy ŭ Minsku sa staršynioj praŭleńnia AAT «Hazpram» Alaksiejem Mileram.
«Usie pryvykli havaryć, što ŭ nas z «Hazpramam» jość adna prablema — heta ceny na budučyja pastaŭki pryrodnaha hazu, — cytuje Łukašenku dziaržaŭnaje ahienctva BiełTA. — Ale ja viedaju, što vielmi daŭno, jašče da vašaha prychodu ŭ «Hazpram», išli pieramovy ab tym, što nam treba pašyryć supracoŭnictva z «Hazpramam», i vyznačalisia cikavyja prajekty. Ja schilny da taho, kab i ich abmierkavać, pakolki my z vami ŭžo vielmi daŭno nie sustrakalisia, a prajektaŭ moža być dastatkova dla abmierkavańnia».
Jak padkreśliŭ Łukašenka, «prajektaŭ niamała». «U tym liku ja absalutna nie vyklučaju, heta adno z pytańniaŭ —
akcyjanavańnie i kupla akcyj «Biełtranshaza», mahčyma, i inšych pradpryjemstvaŭ, jakija buduć cikavić «Hazpram», i kali «Hazpram» budzie zhodny na tyja ŭmovy, jakija siońnia prapanujucca ŭ Biełarusi. Jość ceły pakiet pytańniaŭ, jakija my hatovy razhladać»,— skazaŭ jon.
Łukašenka nahadaŭ, što napiaredadni padčas sustrečy Milera ź biełaruskim premjeram Michaiłam Miaśnikovičam byli dasiahnuty pryncypovyja damoŭlenaści pa prasoŭvańni napierad va ŭzajemnych pieramovach. «Ja taksama chacieŭ by pačuć pra hetyja zruchi. Heta dla nas vielmi važna», — adznačyŭ prezident.
Havoračy pra canu na pryrodny haz, što pastaŭlajecca ŭ Biełaruś, Łukašenka skazaŭ kiraŭniku «Hazprama»: «Viedaju, što vy palitykaj nie zajmajeciesia,
ale tym nie mienš zaŭsiody heta pytańnie stanovicca palityčnym, kali my adkładvajem na doŭhi čas vyrašeńnie pytańniaŭ z „Hazpromam“.Chaciełasia b, kab my apieratyŭna vyrašali hetyja pytańni».
Jon taksama adznačyŭ, što hetyja prablemy abmiarkoŭvalisia jak z prem'
U svaju čarhu Miler na sustrečy zajaviŭ: «U apošnija miesiacy pieramovy išli vielmi paśpiachova, i ja viedaju, što jany iduć pad vašym niepasrednym kantrolem. My siońnia ŭžo realna vychodzim na hatoŭnaść surjoznaha pakieta dakumientaŭ. Heta i novy kantrakt na pastaŭku hazu ŭ Biełaruś z 1 studzienia 2012 hoda, padmacavany mižuradavym pahadnieńniem ab pryncypach cenaŭtvareńnia i taryfaŭtvareńnia. Heta i mižuradavaje pahadnieńnie, i dahavor