Va UUS Centralnaha rajona Mienska ŭzbudžanaja kryminalnaja sprava za machlarstva (art. 209 KK) u dačynieńni da žycharki stalicy, jakaja vykrała hrošy ŭ dvuch chłopcaŭ, pieradadzienych joj za abiacanyja seks-pasłuhi.
Dvoje siabroŭ paśla zastolla vyrašyli paciešycca ŭ kampanii pradstaŭnic pryhožaha połu. Z takoj prapanovaj jany źviarnulisia da sustretaj na vulicy dziaŭčyny. Taja nie admoviła i adrazu acaniła svaje «pasłuhi» ŭ 200 tysiač rubloŭ i navat pahadziłasia pradastavić dla sustrečy ŭłasnuju kvateru.
Maładyja ludzi pahadzilisia i paśla raźliku nakiravalisia ŭ hości da dziaŭčyny. Padjechaŭšy da padjezda, jana paprasiła ich pačakać, a sama adłučyłasia nibyta pravieryć kvateru. Chłopcy pračakali jaje kala hadziny i, nie dačakaŭšysia, źviarnulisia ŭ milicyju.
Asoba dziaŭčyny vyśvietlenaja. U milicyi jość padstavy mierkavać, što ŭ jaje «karjery» padobnych epizodaŭ niamała. Tamu ŭsie, chto paciarpieŭ ad dziejańniaŭ złamyśnicy, mohuć źviarnucca ŭ Centralny RUUS Minska. Fota dziaŭčyny raźmieščanaje na sajcie HUUS Minharvykankama.
