Viadomy biełaruski kinarežysior, aŭtar «Płoščy» i «Zvyčajnaha prezidenta», źviarnuŭsia da biełarusaŭ z zaklikam fiksavać parušeńni padčas vybaraŭ na videa.
«Darahija siabry! My šmat havorym pra stałuju falsifikacyju vybaraŭ u Biełarusi. Pra toje, što vybary prachodziać niesumlenna, viadoma ŭsim, ale patrebnyja nieabvieržnyja dokazy, admachnucca ad jakich nie zmoža navat ułada. Heta možam zrabić usie my tolki razam. Maja prapanova nastupnaja: lubymi sposabami, jak tolki mahčyma, zdymać usie parušeńni i ŭsie mahčymyja niepravavyja dziejańni ŭładaŭ, staršyniaŭ vybarkamaŭ i čalcoŭ vybarčych kamisij. Źniać toje, jak nie dajuć pracavać naziralnikam, jak honiać cełyja kalektyvy na daterminovaje hałasavańnie.
Zdymać možna na mabilnyja telefony, na maleńkija kamiery, na fotaaparaty. Technika siońnia daje takija mahčymaści. Chto žadaje ŭdzielničać u vykryćci hetych manipulataraŭ, zaklikaju zrabić heta. Usio heta nie źniknie darma.
My padamo hety archiŭ usim pravaabarončym arhanizacyja, misii BDIPČ ABSIE, CVK Rasiei, misii krainaŭ SND, va ŭsie mižnarodnyja arhanizacyi, jakija zacikaŭlenyja ŭ sumlennym i prazrystym sposabie praviadzieńnia vybaraŭ u Biełarusi. My dakazvali falsifikacyi z dapamohaj dakumientaŭ i śviedkavych pakazańniaŭ, davajcie heta zrobim i z dapamohaj novych mahčymaściaŭ, jakija daje internet i videa, jakoje raźvivajecca. Usie samyja pierakanaŭčyja roliki buduć źmieščanyja ŭ internecie i ŭvojduć u film «Zvyčajnyja vybary». Ja vielmi na vas spadziajusia. Biez vašaj dapamohi heta budzie zrabić ciažka. Adras majoj elektronnaj pošty [email protected]», - zaklikaje Juryj Chaščavacki.
