Jak paviedamlaje kanał «RIEN TV», u Prylepina ciažkaja spałučanaja traŭma, kantuzija abodvuch lohkich, minna-vybuchovaje ranieńnie i šmatlikija pierałomy dy ŭdary. Prapahandyst nibyta pastupiŭ u balnicu ŭ śviadomaści, jamu robiacca apieracyi.
Šancy na toje, što Prylepin vyžyvie, nibyta 50 na 50. «Vielmi surjoznyja traŭmy. Evakuacyi ŭ Maskvu pakul nie padlahaje. Usio vyrašycca na praciahu sutak», — paviedamiła vydańniu Brief krynica ŭ struktury achovy zdaroŭja Nižaharodskaj vobłaści.
Raskošny Audi Q7 niamieckaj vytvorčaści, u jakim jechaŭ Prylepin, vybuchnuŭ siońnia pa darozie z Maskvy ŭ Nižni Noŭharad. Miarkujecca, što spracavała vybuchovaje prystasavańnie pad dniščam mašyny.
Pry vybuchu aŭtamabila zahinuŭ jaho kiroŭca, taksama rasijski prapahandyst, Prylepin atrymaŭ ranieńni. SK Rasii raspačaŭ pa hetym epizodzie kryminalnuju spravu pavodle artykuła «Terakt». Paviedamili navat, što ŭžo zatrymany adzin padazravany.
Čytajcie taksama:
