Zhodna z administracyjnym pratakołam, Ściapan Padrez u adkrytym publičnym dostupie ŭ albomie zachoŭvaŭ fatahrafii, na jakich byli raźmieščanyja vyjavy bieła-čyrvona-biełaha ściaha i malunak z nadpisam «JAMY97%», vykanany bieła-čyrvonymi kvietkami na čornym fonie. Taksama ŭ jaho byli znojdzienyja i inšyja fatahrafii z BČB-ściaham i hierbam «Pahonia», piša «Viciebskaja viasna».
Na dumku sudździ, małady čałaviek «publična vykazaŭ svaje asabistyja pohlady na padziei hramadska-palityčnaha žyćcia, ažyćciaviŭšy tym samym pikietavańnie». Zrabiŭ jon heta ŭ žniŭni 2020 hoda, čamuści papiarednie nie zapytaŭšy dazvołu miascovych uład.
Sudździa Dosava ŭ najlepšych tradycyjach łukašenkaŭskaha «pravasudździa» paličyła fakt ździajśnieńnia Padrezam administracyjnaha pravaparušeńnia, praduhledžanaha č. 1 art. 24.23 KaAP, ustanoŭlenym, a jaho vinavataść u ździajśnieńni hetaha administracyjnaha pravaparušeńnia dakazanaj.
Adnak staršynia Viciebskaha abłasnoha suda Alaksandr Fiedziukievič 18 krasavika admianiŭ rašeńnie sudździ Dosavaj, bo jano było pryniata z hrubym parušeńniem patrabavańniaŭ Pracesualna-vykanaŭčaha kodeksa ab administracyjnych parušeńniach, bo ŭ adpaviednaści z art. 3.5 PVKaAP spravy ab administracyjnych pravaparušeńniach, učynienych niepaŭnaletnimi, pavinna razhladać kamisija pa spravach niepaŭnaletnich Sieńnienskaha rajvykankama, a nie sud.
U najbližejšy čas sprava Ściapana Padreza budzie razhledžana členami hetaj kamisii. Možna prahnazavać, što heta budzie čysta farmalnaja pracedura, a pakarańnie zastaniecca raniejšym — maksimalny štraf dla niepaŭnaletnich u pamiery 74 rubli.
Čytajcie taksama:
Eks-kiraŭniku tvorčaj supołki «Pahonia» mastaku Hienadziu Drazdovu prysudzili 3 hady kałonii
71-hadovaha piensijaniera Vasila Dziemidoviča asudzili jašče da 2,5 hoda kałonii
