Pra toje, što suviaź z Maskalovym adnoŭlenaja, paviedamiŭ pravaabarončy prajekt «OVD-Info» sa spasyłkaj na advakata Uładzimira Bilijenku, jaki siońnia bačyŭsia sa svaim padabaronnym.
Jak raskazaŭ Maskaloŭ advakatu, pry zatrymańni ŭ Biełarusi jaho mocna źbili rukami i nahami pa hrudziach i śpinie, adbili ciahlicu na pravaj nazie, a taksama nanieśli niekalki ŭdaraŭ pa hałavie, u tym liku bili hałavoj ab ścianu. Mužčyna pieradaŭ Bilijenku zapisku, u jakoj padziakavaŭ usim, chto pieražyvaje za jaho siamju.
Maskalova, jaki adzin vychoŭvaŭ 13-hadovuju dačku, sudzili za pasty pra vajnu ŭ «Adnakłaśnikach», choć jon śćviardžaŭ, što nie maje dačynieńnia da ŭkazanych publikacyj. 27 sakavika sud u horadzie Jafremavie Tulskaj vobłaści, dzie Alaksiej z dačkoj žyli, asudziŭ jaho da dvuch hadoŭ kałonii ahulnaha režymu. Paśla abviaščeńnia prysudu ŭ sudzie zajavili, što jon źbieh z-pad chatniaha aryštu, a nieŭzabavie jaho aryštavali ŭ Biełarusi. Praz tydzień paśla hetaha rasijskija dypłamaty paviedamili, što Maskaloŭ znachodzicca ŭ SIZA ŭ Žodzinie ŭ čakańni pastanovy ab ekstradycyi, a paśla nijakich viestak pra jahony los doŭha nie było.
Dačku Maskalova Mašu spačatku adpravili ŭ prytułak, a paśla jaje zabrała maci.
Čytajcie taksama:
Baćku rasijskaj dziaŭčynki, jakaja zrabiła antyvajenny malunak, ekstradziravali z Žodzina ŭ Rasiju
