BYPOL uviečary 26 lutaha paviedamlaŭ, što siłaviki pačali adpracoŭvać sacsietki, kab vyjavić tych, chto kamientuje padryŭ rasijskaha samalota ŭ niehatyŭnym klučy.
Pradstaŭnik pa adnaŭleńni zakonnaści i pravaparadku Abjadnanaha pierachodnaha kabinieta Alaksandr Azaraŭ u suviazi z hetym prakamientavaŭ situacyju, źviazanuju z padryvam samalota na aeradromie ŭ Mačuliščach:
«Učora adbylisia narady supracoŭnikaŭ biełaruskich śpiecsłužbaŭ — adsiul usie dadatkovyja pravierki na miažy, błokpasty na darohach i zatrymańni tych, chto pražyvaje ŭ nasielenych punktach pobač z Mačuliščami. Tym biełarusam, jakich raniej zatrymlivali za pratesty i jakija mohuć być u bazie ŭdzielnikaŭ pratestaŭ, važna jašče raz nahadać, kab jany trymalisia praviłaŭ ličbavaj biaśpieki: vydalili z telefonaŭ i inšych pryład usiu infarmacyju, jakaja moža niejkim čynam ich skampramietavać u vačach karnikaŭ, a taksama nie zachoŭvali doma aničoha, što mahło b vyklikać padazreńni siłavikoŭ u datyčnaści da pratesnaj i partyzanskaj dziejnaści».
Učora kala 9-j ranicy na aeradromie ŭ Mačuliščach byli čutnyja dva vybuchi. Paviedamlałasia, što paciarpieŭ vielmi kaštoŭny rasijski samalot dalniaj raźviedki DRŁV A-50, jon byŭ padarvany ŭ dvuch miescach. Usiaho takich samalotaŭ u Rasii, spraŭnych i niaspraŭnych, dzieviać. Jon vykarystoŭvaŭsia dla naviadzieńnia rasijskich rakiet na celi va Ukrainie.
Čytajcie taksama:
«Žestačajšaj dyscypliny!» Łukašenka adčytaŭ kiraŭnictva siłavoha błoku. Chrenin siadzieŭ jak myła źjeŭšy
Rasijski samalot A-50 u Mačuliščach moža być surjozna paškodžany — pra heta śviedčyć adna detal
U Kramli admovilisia kamientavać ataku na rasijski samalot u Biełarusi
«Samym składanym była evakuacyja». Azaraŭ pra padrabiaznaści padryvu rasijskaha samalota ŭ Mačuliščach
U roznych rajonach krainy z ranicy stajać pasty DAI, praviarajuć mašyny
