Pavodle jaho słoŭ, u Kijevie čakajuć, što nieŭzabavie rasijskaja armija aktyvizuje sproby zachopu tych niešmatlikich nasielenych punktaŭ Danbasa, što jašče zastajucca pad kantrolem USU, paśla čaho, u vypadku pośpiechu, bai pojduć užo za levabiarežnuju častku Zaparožskaj vobłaści.
U sapraŭdny momant, paćvierdziŭ Hromaŭ, samyja žorstkija bai iduć u rajonie Bachmuta i Saladara, dzie rasijskija vojski sprabujuć akružyć hrupoŭku USU pry padtrymcy artyleryi i avijacyi. Tolki na hetym tydni na hetym učastku frontu, pavodle jaho słoŭ, adbyłosia bolš za 350 bajavych sutyknieńniaŭ.
«U cełym režym Pucina imkniecca vyjhrać čas, raźličvaje na źniasileńnie ŭkrainskaj ekanomiki i sił abarony ŭ cełym, na źnižeńnie padtrymki krainami, nie abyjakavymi da kryvavych ambicyj Kramla», — skazaŭ Alaksiej Hromaŭ.
