Rasija praviała niekalki sieryj masiravanych rakietnych abstrełaŭ, metaj jakich nazvała enierhietyčnuju infrastrukturu. Sotni tysiač čałaviek zastalisia bieź ciapła i śviatła pierad zimoj, a rasijski prezident u piatnicu nazvaŭ heta adkazam na ŭdary pa rasijskich abjektach, u tym liku pa moście ŭ anieksavany ŭ 2014 hodzie Krym.
«Sakratar RNBA padkreśliŭ, što ŭkrainskija vojski SPA źbivajuć 75—90% rakiet. Daniłaŭ sprahnazavaŭ, što možna čakać jašče try—čatyry abstreły vialikaj mahutnaści», — paviedamlaje pres-słužba RNBA. Minabarony Rasii śćviardžaje, što ŭsie rakiety traplajuć u celi.
Daniłaŭ śćviardžaje, što kolkaść rakietnaha ŭzbrajeńnia na terytoryi Rasii imkliva pamianšajecca, z-za čaho rasijskija ŭłady «vymušanyja šukać dadatkovyja pastaŭki pa ŭsim śviecie». Maskva admaŭlaje deficyt rakiet i nie zajaŭlała ab płanach spynić masiravanyja abstreły Ukrainy.
Daniłaŭ taksama skazaŭ, što infarmacyja ab pieradačy Iranam balistyčnych rakiet Rasii na hety momant nie paćvierdžanaja.