Ale pry hetym samy bahaty čałaviek u śviecie nie paviedamiŭ nijakich padrabiaznaściaŭ, i z ulikam jaho papiarednich ekstraardynarnych zajaŭ u sacyjalnych sietkach mnohija ŭsumnilisia ŭ tym, što jon sapraŭdy maje namier nabyć anhlijskuju kamandu, jakaja adčuvaje ŭ apošni čas vialikija ciažkaści. Praź niekatory čas Mask pryznaŭsia, što pažartavaŭ.
Tvit Maska źjaviŭsia pozna ŭviečary ŭ aŭtorak. U im biznesoviec spačatku napisaŭ pra svaje palityčnyja pohlady i paviedamiŭ, što «padtrymlivaje levuju pałovu Respublikanskaj partyi i pravuju pałovu Demakratyčnaj partyi» (i niekatoryja žurnalisty ŭ suviazi z hetym zaŭvažyli, što hulcy na futbolnym poli taksama mohuć hulać źleva ci sprava). Zatym Mask dadaŭ: «I jašče — ja kuplaju «Mančestar Junajted». Nie dziakujcie» (na anhlijskaj heta vyhladała tak: Also I'm buying Manchester United ur welcome»).
Vykazvańnie imhnienna raźlaciełasia pa internecie i atrymała ŭžo bolš za 300 tys. łajkaŭ.
Adnak karespandenty infarmacyjnych ahienctvaŭ, jakija raspaviadali pra hety tvit, z samaha pačatku nahadvali, što ŭ minułym biznesoviec nie raz rabiŭ, miakka kažučy, nieardynarnyja zajavy ŭ tvitary, tamu niezrazumieła, ci varta stavicca da jaho surjozna.
Praź niekatory čas aściarohi žurnalistaŭ paćvierdzilisia. U adkaz na pytańnie adnaho z karystalnikaŭ Mask napisaŭ: «Nie, heta stary žart u tvitary. Ja nijakich spartyŭnych kamand nie kuplaju».
