Miarkujučy pa sacsietkach, ciapier usie čaćviora na voli. My ŭžo pisali pra toje, što servisy dla pryzyŭnikoŭ pierastali pracavać niekalki dzion tamu.

Siłaviki kažuć, što jany zavałodali bazami ludziej, jakija źviartalisia pa dapamohu hetych resursaŭ, i namiakajuć, što hetych ludziej čakajuć niepryjemnaści.

«Pryzyŭnik.baj»

Zatrymlivalisia abodva zasnavalniki płatformy — Mikita i Jan. U intervju KYKY jany raspaviadali, što pracujuć całkam lehalna i paśpiachova prachodzili šmatlikija pravierki siłavikoŭ.

Heta nie pieršy sumiesny biznes chłopcaŭ — raniej jany zajmalisia drobnym pradprymalnictvam u roznych śfierach. Kali vieryć im, na kampaniju pracavała bolš za dvaccać čałaviek.

Mikita, 29 hadoŭ

Mikita, 29 hadoŭ

Jan, 29 hadoŭ

Jan, 29 hadoŭ

«Armichełp.baj»

Kampanija pracavała bolš za čatyry hady i nie mieła prablem sa śpiecsłužbami. Suzasnavalnikami byli dva siabry, jakija nie tak daŭno vyjšli ŭ zapas vajskovaj jurydyčnaj słužby.

Eduardu 33 hady. Jon kapitan justycyi zapasu. Zhodna ź infarmacyjaj na sajcie, byŭ načalnikam jurydyčnaj słužby ŭ niekalkich vajskovych častkach u Biełarusi.

Jaŭhienu 32 hady. Staršy lejtenant justycyi zapasu. Taksama pracavaŭ u roznych vajskovych častkach. U niejki čas pracavaŭ madellu dla rekłamy adzieńnia.

Što mienavita zdaryłasia z treciaj zakrytaj płatformaj povestka.by, jakaja zajmałasia zvyčajnymi kansultacyjami i była całkam biaspłatnaj, niajasna. Telehram-kanał i čaty płatformy byli całkam vydalenyja 14 lipienia.

U Biełarusi pierastali pracavać sajty, jakija kansultavali pryzyŭnikoŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?