Kaviarnia Monkey-Brothers prapanuje niezvyčajnyja vidy sendvičaŭ: naprykład, ź indyčkaj dy sousam z hruš ci z hrybami šyitakie i sałatam čuka. Ceny ad 9,99 da 12 rubloŭ za set, kudy jašče dadaduć bielhijskija bulbianyja krakiety ci kołu.
Dla tych, chto lubić sałodzieńkaje, jość, naprykład, tradycyjnyja češskija trdelniki ŭ biełaruskim vykanańni. Porcyja na čałavieka — 12 rubloŭ.
Jašče adno pračytańnie češskaj kuchni znojdziecie ŭ šapiku ad kaviarni «Šalony knyr». Na vybar prapanujecca chot-doh ź ciurynhskaj kaŭbaskaj, syram čedar, fiermientavanaj čyrvonaj kapustaj, kietčupam i cybulaj fry ci set numar dva — bulba fry z kukuruzaj, časnočnym sousam i cybulaj fry.
Amataraŭ pasty i italjanskaj kuchni taksama nie pakinuli biez uvahi. Tak, karbanaraj ci bałanjeze na śviežym pavietry pačastujuć taksama za 12 rubloŭ.
Ëść i pica. 360-hramovaja «Marharyta» ci «Partabeła» budzie idealnym pierakusam na dvaich.
Alternatyvaj mohuć stać sytnyja blinčyki: z syram macareła, žuljenam z absmažanaj kurycy, šampińjonaŭ z časnakom, cybulaj i zielaninaj ci jašče adny — z hrybami, ale ŭ susiedstvie z syram fieta, sousam piesta i marynavanaj čyrvonaj cybulaj.
Burhieramanaŭ taksama nie pakryŭdziać. Burhier ź jałavičynaj, syram čedar, sałataj ajśbierh, pamidoram, marynavanym ahurkom, tamatnym sousam u duecie z bulfaj fry prapanujuć usio za tyja ž 12 rubloŭ.
Asobnyja varyjanty dla miasajedaŭ — trak MINSK CITY ź ich roznymi hatunkami miakaci ściahna kuraniaci na vuhlach z sousam teryjaki ci, naprykład, kiebab ad Mr. Kebab.
Roznyja vidy vaflaŭ hatujuć u kropcy Waffles On Wheels: jość jak salonyja z vendžanym kuraniom, tak i sałodkija — z marožanym i siropam z manha — samaje jano dla ciopłaha soniečnaha nadvorja. Košt siaredni pa strytfud-prastory — 12 rubloŭ.
Karalami biełaruskaj kuchni — dranikami — častujuć Belihin. Padajuć ich z łasosiem i hrečaskaj sałataj.
Jašče adna strava z bulby ŭ «Piasočnicy» jość u kramcy Bulba Frites: možna zamović kulok bulby z kavałačkami kurycy BBQ ci chatnija bulbianyja čypsy z tamatnym sousam.
Biez chot-dohaŭ, kruasanaŭ, marožanaha i kavy «Piasočnicu» taksama składana ŭjavić. Košty na sety ŭsio tyja ž — ad 9.99 da 12 rubloŭ.
Strytfud-placoŭka adčynienaja z 12 da 23.00 štodzionna.
