Praz hety dakumient ułady prapanujuć «zakanadaŭča vyznačyć, što ździejśnienyja nacysckimi złačyncami i ich pamahatymi, nacyjanalistyčnymi farmavańniami ŭ hady Vialikaj Ajčynnaj vajny i ŭ paślavajenny pieryjad złačynstvy, skiravanyja na płanamiernaje fizičnaje źniščeńnie biełaruskaha naroda, źjaŭlajucca hienacydam. Akramia taho, uvodzicca kryminalnaja adkaznaść za publičnaje admaŭleńnie hienacydu biełaruskaha naroda».
Hety zakon, za parušeńnie jakoha moža pahražać pakarańnie navat da 10 hadoŭ źniavoleńnia, niezaležnyja ekśpierty rasceńvajuć jak represiŭny, jaki maje na mecie nie adnaŭleńnie spraviadlivaści, a faktyčnuju kryminalizacyju ŭsich dyskusij adnosna nieadnaznačnych padziej Druhoj suśvietnaj vajny.
Paciarpieć ad jaho mohuć u pieršuju čarhu prafiesijnyja historyki, jakija imknucca daśledavać Druhuju suśvietnuju vajnu pa-za miežami akreślenaj dziaržavaj paradyhmy, jakaja zastałasia ŭ spadčynu ad časoŭ Savieckaha Sajuza. I heta stvaraje realnuju niebiaśpieku, što histaryčnaja navuka ŭ Biełarusi moža być kančatkova zamienienaja prapahandaj.
Zrešty, sudziać za alternatyŭnyja dziaržaŭnym pohlady na historyju Druhoj suśvietnaj vajny i biez hetaha zakona. Najbolš jaskravy prykład — sprava mastaka Alesia Puškina.
Zavieršanaje rasśledavańnie kryminalnaj spravy ŭ dačynieńni da Alesia Puškina. Jamu inkryminujuć reabilitacyju nacyzmu
Biełaruski historyk: «Zakon «Ab hienacydzie biełaruskaha naroda» — heta čysta represiŭny zakon»
Zakon «Ab hienacydzie biełaruskaha naroda» ŭ dvuch čytańniach pryniaty Pałataj pradstaŭnikoŭ
