Cledčyja kvalifikavali dziejańni Alaksandra Aranoviča adpaviedna z artykułam «padrychtoŭka da ŭdziełu ŭ masavych biesparadkach». Jamu vystavili abvinavačańnie pa p. 13 č. 2 art. 293 «Padrychtoŭka da ŭdziełu ŭ masavych biesparadkach», piša spring96.org.
Takija ž abvinavačańni ŭ «padrychtoŭcy da ŭdziełu ŭ masavych biesparadkach» dniami vystavili jašče dvum palitviaźniam — Iharu Łosiku i Mikałaju Statkieviču, a jašče raniej i Siarhieju Cichanoŭskamu
Maci palitviaźnia Halina Ivanaŭna raskazała, što jaje syn nie pryznaje vinu i z samaha pačatku admaŭlajecca davać pakazańni. Naviny pra syna dachodziać tolki ź jaho listoŭ, bo advakatka dała padpisku ab nierazhałašeńni materyjałaŭ spravy. Sam Alaksandr nazyvaje kryminalnyja spravy suprać siabie «vynikam burlivaj fantazii śledčych».
38-hadovaha Alaksandra Aranoviča, kiroŭcu aŭtadoma «Strana dla žiźni», zatrymali 29 maja ŭ Hrodnie padčas pikieta dla zboru podpisaŭ za vyłučeńnie Śviatłany Cichanoŭskaj kandydatam u prezidenty. U toj ža dzień milicyjanty zatrymali Siarhieja Cichanoŭskaha i jašče 15 hramadzian.
