U sacsietkach i telehram-čatach nabiraje papularnaść rolik z udziełam dyrektara 196-j škoły Natalli Burkievič. U svaim videazvarocie piedahoh dziakuje supracoŭnikam milicyi, jakija prajavili «najlepšyja čałaviečyja jakaści» i znajšli «aptymalnyja rašeńni ŭ situacyi hramadskaha kanfliktu». Vučni dadali u videa kadry z vulic horada, na jakich siłaviki brutalna zatrymlivajuć biełarusaŭ, što pratestujuć suprać falsifikacyi vybaraŭ.
Natalla Burkievič vykazała vielizarnyja słovy padziaki supracoŭnikam milicyi, jakija ažyćciaŭlali achovu hramadskaha paradku na terytoryi škoły ŭ pieryjad daterminovaha hałasavańnia i niepasredna ŭ dzień vybaraŭ.
Na dumku dyrektara škoły, milicyja vyjaviła maralny etykiet i pavahu da ŭsich naviedvalnikaŭ i rabotnikaŭ ustanovy adukacyi.
— Upeŭnienaja, što prafiesijanalizm, mužnaść i addanaść svajoj prafiesii i svajoj radzimie zabiaśpiečać zachavańnie nieparušnych čałaviečych kaštoŭnaściaŭ — miru, dabra, pavahi i lubovi ŭ samym šyrokim razumieńni, — padkreśliła piedahoh na videazapisie.
