U milicyju Kalinkavičaŭ źviarnuŭsia miascovy žychar i paviedamiŭ pra źniknieńnie siamiejnaj relikvii — aŭtamabila «VAZ-2106». «Šaściorka» zaŭsiody načavała ŭ dvary, čaściakom haspadar pakidaŭ aŭto adčynienym. Syščyki prahledzieli zapisy z kamier videanazirańnia, pa jakich znajšli datyčnych da kradziažu mašyny, paviedamlaje DAI.
Dvoje tavaryšaŭ zaprykmiecili «šaściorku» daŭno, adzin ź ich napiaredadni pravieryŭ, ci nie začyniena mašyna. U internecie chłopcy navučylisia zavodzić mator adviortkaj. Kali płan spracavaŭ, chłopcy katalisia pa horadzie i paśla načnoha pramienadu vyrašyli viarnuć mašynu na miesca. Padjazdžajučy da dvara ŭładalnika, zmoŭščyki zaŭvažyli milicejskuju mašynu, jakaja prybyła na vyklik. Tady jany kinuli aŭtamabil u dvary i źbiehli. U tuju ž noč maładych ludziej zatrymali pa padazreńni ŭ kradziažy.
