Jakoje voziera ŭ Biełarusi samaje «kryvoje»? To-bok jakoje z našych azior maje najbolšuju bierahavuju liniju adnosna svaich pamieraŭ i płoščy? Astranom i fatohraf Viktar Małyščyc nie pravodziŭ admysłovyja raźliki, ale ŭpeŭnieny, što ŭ pieršych šerahach abaviazkova akažacca adno z najpryhažejšych azior Vušaččyny z prostaj nazvaj Kryvoje.
Niahledziačy na ścipłyja pamiery, voziera maje hłybiniu da 31 mietra, na prylehłych bierahach raskinulisia pahorki, ź jakich adkryvajecca malaŭničaja panarama voziera. Da taho ž, vada Kryvoha nadzvyčaj čystaja, la voziera praktyčna niama nijakich krynic zabrudžvańnia. Pa hetaj pryčynie apošnija 40 hod voziera i prylehłyja terytoryi abjaŭleny hidrałahičnym zakaźnikam respublikanskaha značeńnia. Zirnicie — dy tam navokał sušy mienš, čym vady!
