Žury konkursu aceńvała aktyŭnaść naminantaŭ u studenckim žyćci, ich navukovyja daśledavańni i vyniki vučoby.
Na sajcie Ekanamičnaha ŭniviersiteta ŭ Poznani paviedamlajecca, što Uładzimir Levanieŭski pravodzić navukovyja daśledavańni, jakija datyčacca jakaści infarmacyi dadzienych u roznych moŭnych viersijach «Vikipiedyi», a taksama infarmacyi, jakaja źmiaščajecca ŭ siemantyčnaj bazie dadzienych DBpedia. Cikavicca małady čałaviek i raźvićciom kryptavalut.
Va Uładzimira bolš za 10 navukovych publikacyj na polskaj i anhlijskaj movach, bolš za 20 refierataŭ, ź jakimi jon vystupaŭ na polskich i mižnarodnych kanfierencyjach. U 2017 hodzie jaho praca stała najlepšaj na mižnarodnaj kanfierencyi ICIST.
Sa studzienia hetaha hoda Uładzimir źjaŭlajecca staršynioj Savieta daktarantaŭ univiersiteta.
Najlepšym zamiežnym studentam bakałaŭryjatu stała pradstaŭnica Kazachstana Ajhier Bałchašbajeva, jakaja navučajecca va Univiersitecie sacyjalnaj psichałohii i humanitarnych navuk u Varšavie. Najlepšym mahistrantam stała studentka afhanskaha pachodžańnia z Francyi, jakaja vučycca va Urocłavie.
Usiaho ŭ Polščy navučajucca 72 tysiačy zamiežnych studentaŭ z 166 krain śvietu.
Uładzimir Levanieŭski naradziŭsia 28 studzienia 1986 hoda ŭ Hrodnie. U 2010 hodzie skončyŭ fakultet matematyki i infarmatyki Hrodzienskaha dziaržaŭnaha ŭniviersiteta imia Janki Kupały. Praz dva hady — fakultet prava i administracyi ŭniviersiteta imia Adama Mickieviča ŭ Poznani, atrymaŭ navukovuju stupień mahistra kiravańnia. Z 2012 hoda — aśpirant (daktarant) na kafiedry infarmacyjnych sistem Ekanamičnaha ŭniviersiteta ŭ Poznani
