U vychodnyja nadvorje ŭ Biełarusi budzie vyznačać małaaktyŭny atmaśfierny front, jaki źmiaščajecca z paŭdniovaha zachadu Jeŭropy. Miescami karotkačasovyja daždžy, navalnicy.
Photo by: Simona Vasiliauskaitė, WLL
Pra heta paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U subotu minimalnaja tempieratura pavietra nočču 7 — +13°S, maksimalnaja dniom 19 — +25°S, u niadzielu minimalnaja nočču 8+ 14°S, maksimalnaja dniom 16 — +23°S, pa ŭschodzie da +25°S.
U Minsku ŭ subotu budzie vobłačna, z prajaśnieńniami. Nočču bieź istotnych apadkaŭ, dniom karotkačasovy doždž. Viecier paŭnočna-zachodni 4-9 m/s. Tempieratura pavietra minimalnaja nočču +11 +13, maksimalnaja dniom +20—22.
U niadzielu ŭ stalicy zachavajecca vobłačnaje, z prajaśnieńniami, nadvorje, čakajecca karotkačasovy doždž. Viecier paŭnočna-zachodni 4-9 m/s. Tempieratura pavietra minimalnaja nočču +12—+14, maksimalnaja dniom kala +20.
U pačatku nastupnaha tydnia nadvorje istotna nie źmienicca: ŭmovy nadvorja ŭ Biełarusi budiet vyznačać vobłaść panižanaha atmaśfiernaha cisku.
U paniadziełak, 22 červienia miescami karotkačasovyja daždžy, navalnicy. Tempieratura pavietra minimalnaja nočču 8 — +14°S, maksimalnaja dniom 16 — +23°S.
U suviazi z tym, što ŭ bolšaści rajonaŭ krainy ŭstalavałasia suchoje nadvorje, zachoŭvajecca składanaje pažaraniebiaśpiečnaje stanovišča, asabliva ŭ Mazyrskim rajonie.
Karotkačasovyja daždžy, jakija čakajucca ŭ bližejšy čas u asobnych rajonach, a taksama nieraŭnamiernaje ich raźmierkavańnie pa terytoryi krainy, pažaraniebiaśpiečnuju situacyju nie palepšać.
Sinoptyki, MNS i Minlashas nahadvajuć, što asnoŭnaja pryčyna lasnych pažaraŭ — nieaściarožnaje abychodžańnie z ahniom u lesie i na prylehłych da lesu terytoryjach.
