— Ва ўсім свеце працэдура правядзення ЭКА вельмі дарагая, бо высокатэхналагічная, — распавядае галоўны доктар Гарадской клінічнай радзільні №2 Вольга Серада. — Але ў маі 2020 года Лукашэнкам быў падпісаны ўказ аб сацыяльнай падтрымцы некаторых катэгорый грамадзян, у якім канкрэтна пазначана, што пары, якія пакутуюць ад бясплоддзя, якія маюць паказанні і не маюць супрацьпаказанняў для ЭКА, могуць разлічваць на адну бясплатную спробу.

Абавязковыя ўмовы для правядзення бясплатнай працэдуры:

— абодва павінны з'яўляцца грамадзянамі Беларусі;

— узрост жанчыны, якая прэтэндуе на правядзенне ЭКА, — да 40 гадоў.

У краіне створаны рэгіянальныя камісіі для адбору пар на бясплатную першую спробу ЭКА. Засядаюць раз на тыдзень, часам нават часцей. Пары неабходна звярнуцца ў камісію з заявай у адвольнай форме, падаць свае пашпарты, пасведчанне аб заключэнні шлюбу, накіраванне на працэдуру, выпіску з паліклінікі аб перанесеных за апошнія пяць гадоў захворваннях. Па выніках праведзенай камісіі складаецца спецыяльны пратакол, ім выдаецца накіраванне на бясплатную спробу ЭКА, і яны выбіраюць медыцынскую ўстанову, у якой адбудзецца штучнае апладненне.

— Чаргі ў цэнтры няма. Сёння засядае камісія — заўтра ўжо пацыентка можа ўступіць у пратакол ЭКА. І яшчэ хачу сказаць, што калі агульнасусветныя паказчыкі поспеху працэдуры ЭКА складаюць 30-35%, то па нашым Цэнтры гэты паказчык нашмат вышэйшы: больш за 43%, а ў крыапратаколах даходзіць да 60%, — адзначае Вольга Серада.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Алесь Касяк / Адказаць
24.11.2022
Вельмі часта сутыкаюся з тым, што Наша Ніва надужывае скарачэньні, абрывіатуры. Калі даўгі ў напісаньні тэрмін сустракаецца ў тэксце шматкроць, мае сэнс далей па тэксце ўжываць скарачэньне. Алеж, ці цяжка напісаць поўную форму прынамсі адзін раз?
Каб пакінуць каментар, калі ласка, актывуйце JavaScript у наладах свайго браўзеру