Hiermanija vielmi ŭvažliva budzie sačyć za tym, jakija ekanamičnyja prapanovy pradstaviać biełarusy ŭ miežach VII Biełaruskaha inviestycyjnaha forumu. Pra heta paviedamiŭ u intervju pasoł Fiederatyŭnaj Respubliki Hiermanija ŭ Minsku Valfram Maas.
«Isnuje šerah mierapryjemstvaŭ, sprob pryciahnuć, zacikavić niamieckija pradpryjemstvy Biełaruśsiu. Ale, zrazumieła, lepšy varyjant — heta kali Biełaruś sama zmoža pierakanać inšych u tym, što najlepšym miescam dla ekanamičnaj dziejnaści źjaŭlajecca mienavita jana», — zaklučyŭ pasoł Hiermanii.
Pavodle słoŭ Maasa, dla aktyvizacyi ekanamičnaha supracoŭnictva dziaržavie, akramia stvareńnia pravavych miežaŭ, treba źviarnuć uvahu na ŭmovy dla patencyjalnych kapitałaŭkładańniaŭ u krainie. Pasoł, u pryvatnaści, ukazaŭ na važnaść takich aśpiektaŭ pravavoj dziaržavy, jak nadziejnaje pravasudździe i palityčnaja stabilnaść.
U Hiermanii, zaŭvažyŭ Maas, dziaržava akazvaje minimalny ŭpłyŭ na ŭzajemaadnosiny pamiž pradpryjemstvami. «Što da kankretnych ekanamičnych prajektaŭ, toje ŭsie rašeńni prymajuć niepasredna sami pradprymalniki», — skazaŭ jon.
Atrymańniu nieabchodnaj dla dziełavych kruhoŭ infarmacyi spryjajuć Dni niamieckaj ekanomiki, jakija pasolstva Hiermanii naładžvaje štohod, adznačyŭ Maas. «Metaj hetaha mierapryjemstva źjaŭlajecca pryciahnieńnie siudy niamieckich pradprymalnikaŭ, kab dać im mahčymaść abmianiacca vopytam z kalehami, jakija ŭžo ažyćciaŭlajuć svaju dziejnaść u Biełarusi, kab ad ich pačuć, jakija rečy tut možna dobra raźvivać, a dzie patrabujucca palapšeńni», — skazaŭ dypłamat.
Adkazvajučy na pytańnie ab tym, jakija śfiery biełaruskaj ekanomiki mohuć ujaŭlać cikavaść dla niamieckaha biźniesu, Maas adznačyŭ: «Kali razvažać nad tym, arhanizacyja jakoj vytvorčaści mahła b być najbolej metazhodnaj tut, to, viadoma ž, treba zadumacca nad pytańniem, jakich resursaŭ tut bolš, čym u inšych miescach.
Budučy prafanam u hetaj halinie z pryčyny majho karotkaha znachodžańnia ŭ Biełarusi, mahu nazvać tolki dźvie śfiery, dzie možna sabie ŭjavić cikavyja mahčymaści vytvorčaści ŭ vašaj krainie. Heta charčovaja pramysłovaść i, zychodziačy z dobraha ŭzroŭniu adukacyi i dobrych pramysłovych tradycyj u Biełarusi, mašynabudavańnie. Mnie zdajecca, što takaja vytvorčaść była b tut bolš efiektyŭnaj, čym u inšych miescach».
