Dobrušskaja papiarovaja fabryka realizuje inviestprajekt na $348,6 młn 3

AAT «Dobrušskaja papiarovaja fabryka «Hieroj pracy» płanuje stvaryć vytvorčy kompleks pa vyrabu miełavanaha i niemiełavanaha vidaŭ trochsłojnaha kardonu da 2015 hoda, paviedamili ŭ kancernie «Biellespapierapram».

«Asvajeńnie vytvorčaści miełavanaha i niemiełavanaha kardonu daść mahčymaść zakryć impart anałahičnaj pradukcyi i zabiaśpiečyć u poŭnaj miery patrebnaci charčovaj, lohkaj, miedycynskaj i palihrafičnaj halin biełaruskaj pramysłovaści», — adznačyli śpiecyjalisty. Akramia taho, hety inviestycyjny prajekt budzie ekspartaaryjentavany. Mahutnaść novaj vytvorčaści składzie 200 tys.t kardonu ŭ hod.

Hienieralnym padradčykam pa prajektu źjaŭlajecca kitajskaja «Karparacyja Siuań Juań», ź jakoj biełaruski bok zaklučyŭ kantrakt na sumu $348,6 młn.

Finansavańnie ŭ pamiery poŭnaha koštu kantrakta arhanizavana za košt srodkaŭ kredytu Dziaržaŭnaha banka raźvićcia Kitaja.

U kancernie adznačyli, što asnovaj dla vyrabu novych vidaŭ kardonu pasłužyć bielenaja chimika-termamiechaničnaja masa, vytvorčaść jakoj budzie zabiaśpiečana za košt apracoŭki miascovaj syraviny — bałansavaj draŭniny asiny i biarozy.

Realizacyja novaha prajekta daść mahčymaść realizavać prahramu techničnaha pieraŭzbrajeńnia i madernizacyi asnoŭnych vytvorčych fondaŭ, pavialičyć abjomy vytvorčaści i realizacyi pradukcyi. Taksama budzie pavialičany prybytak ad prodažaŭ, uzraście efiektyŭnaść vytvorča-haspadarčaj dziejnaści i palepšacca ŭmovy pracy piersanału dobrušskaj fabryki.

AAT «Dobrušskaja papiarovaja fabryka «Hieroj pracy» ciapier vypuskaje kala 90 vidaŭ tavaraŭ. Vytvorčaść aryjentavana na dva asnoŭnyja napramki — vypusk pradukcyi vytvorča-techničnaha pryznačeńnia i tavaraŭ narodnaha spažyvańnia (sšytki, albomy, błaknoty, błoki dla malavańnia i čarčeńnia, papiera spažyvieckich farmataŭ).

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH