Litoŭski biźniesmien maje namier naładzić vytvorčaść miasa indyčki ŭ Biełarusi 3

Litoŭskaja kampanija Arvi płanuje realizavać u Lidskim rajonie dva inviestycyjnyja prajekty. Pra heta paviedamili ŭ miascovym vykankamie.

Adzin ź ich źviazany z madernizacyjaj «Lidskaha vietsanutylzavoda».

Kampanija maje namier pabudavać, pa sutnaści, novaje pradpryjemstva pa pierapracoŭcy druhasnaj syraviny (adchodaŭ ad pierapracoŭki miasnoj pradukcyi, pamieršych žyvioł).

Pakolki pradpryjemstva płanujecca pabudavać bolš mahutnaje, tamu ŭźnikła pytańnie z zabieśpiačeńniem syravinaj. Miarkujecca, što ŭ zonu absłuhoŭvańnia, akramia Hrodzienskaj vobłaści, buduć uklučany Viciebskaja i Minskaja vobłaści, jakija nie majuć takich vytvorčaściej.

Druhi prajekt źviazany z ŭźviadzieńniem kompleksu pa vytvorčaści miasa indyčki.

Biełaruskija śpiecyjalisty ŭžo pabyvali na pradpryjemstvie pa vyroščvańniu indyčki i pierapracoŭcy miasa ŭ Maryjampali, dzie znachodzicca kompleks Arvi, i acanili novyja technałohii. Pradpryjemstva ŭ Biełarusi nie budzie dakładnaj kopijaj litoŭskaha, jano budzie adaptavana da miascovych umoŭ i raźličana na vytvorčaść 7 tysiač ton miasa indyčki ŭ hod.

Hrupa Arvi abjadnoŭvaje bolš za 20 kampanij, jakija pracujuć u sielskahaspadarčym siektary. Jaje ŭładalnikam źjaŭlajecca Vidmantas Kučynskas. Jon zajmaje, pa viersii Ekonomika.lt, u top-100 samych bahatych biznesoŭcaŭ Litvy 11-je miesca. Asnoŭny jaho biznes u Biełarusi źviazany z pastaŭkami praz svaju daččynuju kampaniju Baltkalis chłorystaha kalija i techničnaj soli ŭ krainy Bałtyi. Niekalki hadoŭ tamu Kučynskas chacieŭ stvaryć z «Biełaruśkalijem» SP pa vytvorčaści składanych uhnajeńniaŭ. Ale ŭrad Biełarusi paśla doŭhich rozdumaŭ admoviŭ.

Tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH