Fota: freepik.com
Naprykład, na kirmaš u pošuku patencyjalnych supracoŭnikaŭ zavitaŭ pradprymalnik, jakomu patrebny pradaŭcy kvasu. Jon raspavioŭ, što najmaje školnikaŭ z 2016 hoda. Biare ŭ asnoŭnym tych, kamu ad 14 da 16 hadoŭ, ale, byvaje, i mienšyja dzieci chočuć zarablać hrošy. U hetym vypadku pryvatnik idzie nasustrač.
— Heta pasilnaja praca dla navučencaŭ. Rabočy čas płavaje. U mianie niama ćviordaj pryviazki, što treba piać dzion u tydzień z takoha pa taki čas. Jak praviła, ja na adnym punkcie padzialaju pracoŭny dzień napałovu.
Achvotnych pradavać kvas u śpis zapisałasia niamała. Adnak pradprymalnik adznačaje: zychodziačy ź jaho dośviedu, kab znajści pradaŭcoŭ na ŭsie jaho 5 punktaŭ u Barysavie, treba zapisać čałaviek 40.
— Ź ich pałova zabudzie i nie patelefanuje mnie. Z tych, chto patelefanuje i pryjdzie pa nakiravańnie na miedkamisiju, častka zalanujecca prachodzić miedkamisiju.
Płacić maładym pradaŭcam pradprymalnik abiacaje 10% ad vyručki. Kaža, što ŭ siarednim letaś heta atrymlivałasia 25 rubloŭ za dzień (ad 20 da 45 rubloŭ).
Mierkavańni kamientataraŭ padzialilisia. Chtości ličyć, što taki zarobak niedastatkovy za pracu na śpiakocie. Inšyja ŭpeŭnienyja, što dla dziciaci heta adekvatnyja hrošy. Usio ž nijakich asablivych umieńniaŭ i viedaŭ dla takoj pracy nie patrabujecca: «Heta vydatnaja mahčymaść zarabić na svaje žadańni i matyvacyja dobra vučycca, kab mieć inšuju pracu i zarobak».
Niechta aburyŭsia tamu, što 25 rubloŭ za 4 hadziny pracy nazyvajuć kapiejkami: «Kapiejki? Heta narmalna. U mianie na budoŭli vychodzić 60-65 rubloŭ za poŭny pracoŭny dzień».
Jašče adno miesca, kudy hatovy ŭziać dziaciej z 14 hadoŭ — heta ŭnitarnaje pradpryjemstva «Žyllo». Praca źviazana z dobraŭparadkavańniem haradskich terytoryj abo ŭborkaj prydamavych terytoryj i padjezdaŭ. Za 10 dzion abiacajuć zapłacić 300 rubloŭ.
Tym časam darosłym za poŭny pracoŭny dzień na sajcie UP «Žyllo» prapanoŭvajuć za ŭborku i dobraŭparadkavańnie terytoryj 626 rubloŭ — i nie za 10 dzion, a za miesiac.
Čytajcie taksama:
Čysty zarobak biudžetnikaŭ mocna niedaciahvaje da 500 dalaraŭ
Biełstat: Siaredni zarobak u Minsku składaje roŭna 800 dalaraŭ «čystymi»
Kolki sapraŭdy zarablajuć biełaruskija daktary? Spytali ŭ ich
