Entani Kidzis u Sankt-Pieciarburhu.
Muzyki amierykanskaha hurta Red Hot Chili Peppers napisali listy trom udzielnicam hrupy Pussy Riot, paviedamiŭ muž adnoj z aryštavanych dziaŭčat Piotr Viarziłaŭ.
«Nadzia, Kacia i Maša, my lubim vas, padtrymlivajem vas i znachodzimsia tut, kab dapamahčy vam»,-- pracytavaŭ Viarziłaŭ list vakalista Red Hot Chili Peppers Entani Kidzisa, adrasavany dziaŭčatam.
«Ja dumaju pra vas uvieś čas. Ja apładziruju vašaj advazie, ja malusia za vaša vyzvaleńnie, i ja budu sprabavać danieści da jak maha bolšaj kolkaści ludziej toje, što z vami adbyvajecca»,- napisaŭ basist hurta Majkł Bełzary (bolš viadomy jak Fli).
Napiaredadni Entani Kidzis vyjšaŭ na scenu Łužnikoŭ u Maskvie, dzie prachodziŭ kancert kalektyvu, u majcy z nadpisam Pussy Riot. U piatnicu ŭviečary na kancercie ŭ Sankt-Pieciarburhu Kidzis taksama vyjšaŭ na scenu ŭ majcy z nazvaj hurta.
Arhanizatar pieciarburhskaha vystupu hurta zajaviŭ, što vakalist, chutčej za ŭsio, pryvioz hetuju majku z saboj i apranuć jaje na kancert było jahonaj inicyjatyvaj.
U dzień kancertu Red Hot Chili Peppers u Pieciarburhu stała viadoma, što sud vyrašyŭ pakinuć dziaŭčat z Pussy Riot pad aryštam prynamsi da 12 studzienia 2013 hoda. Udzielnicy hurta byli aryštavanyja ŭ sakaviku hetaha hoda pa spravie ab pank-nabaženstvie «Baharodzica, Pucina prahani!» ŭ chramie Chrysta Zbaŭcy ŭ Maskvie.
***
Muzyki hurta Red Hot Chili Peppers źjaŭlajucca ŭładalnikami 7 premij Grammy. Va ŭsim śviecie pradadzienyja bolš za 85 miljonaŭ kopij ich albomaŭ. U subotu list dziaŭčatam taksama napisaŭ salist šatłandskaha hurta Franz Ferdinand Aleks Kapranas, što taksama vystupaŭ u Maskvie.
