Skrynšot videa ŭ instahramie Cimy Biełaruskich
Niahledziačy na toje, što amal što ŭsie publikacyi byli vydaleny ź instahrama śpievaka (zaraz isnujuć tolki try adnosna śviežyja ryłsy), u Cimy Biełaruskich atrymałasia zachavać 768 tysiač padpisčykaŭ.
Novy trek nosić nazvu «Maršrutki». U pačatku videa možna pabačyć nadpis Kaufman Musik. Heta łejbł, ź jakim raniej supracoŭničaŭ artyst. Ale ŭ tym ža tym ža samym nieščaślivym dla śpievaka 2021 hodzie Cima Biełaruskich abviaściŭ ab spynieńni supracoŭnictva z pradziusaram Alaksandram Kaŭfmanam i jahonym łejbłam. Jon padkreśliŭ, što chočacca stać samastojnym artystam. Kumiru školnikaŭ paśla sychodu pryjšłosia navat zavieści z nula akaŭnty ŭ sacyjalnych sietkach.
Varta adznačyć, što mienavita padčas rezidenctva ŭ Kaufman Label u Cimy Biełaruskich vyjšli chity, jakija pieratvaryli jaho ŭ sapraŭdnuju zorku. Vidavočna, paśla prablem z zakonam śpiavak usio ž vyrašyŭ adnavić supracoŭnictva i pačakać z samastojnaściu.
Fanaty Cimy Biełaruskich ščaślivyja, jany vinšujuć artysta ź viartańniem i pišuć: «Nastalhija ŭ voka patrapiła». Niekatoryja žartujuć pra kryminalnyja pryhody, časam krychu žorstka: «Heta jaho z narkotykami nakryli. Niezabudka nie jaho lubimaja kvietka, jak vyśvietliłasia».
Nahadajem, milicyja zatrymała Cimu Biełaruskich 6 studzienia 2021 hoda ŭ hulniavym kłubie ŭ Minsku. U jaho znajšli hašyš (kala 0,0375 hrama) i amfietamin (1,96 h).
Paviedamlałasia, što śpiavak i jaho pryjaciel kupili narkotyki praź internet. Častku ŭžyli ŭ pamiaškańni hulniavoha kłuba, reštki vyjavili rabotniki milicyi. Svaju vinu abvinavačanyja pryznali.
U svaim apošnim słovie na sudovym pasiadžeńni muzyka paprasiŭ prabačeńnia ŭ blizkich i prychilnikaŭ. Jon adznačyŭ, što jaho rodnyja pieražyvali i nie razumieli, što adbyvajecca. Śpiavak raspavioŭ, što jaho staŭleńnie da zdaroŭja źmianiłasia — jon zajmajecca sportam, amal nie ŭžyvaje ałkahol i šmat čytaje. Artyst skazaŭ, što pastajanna dumaje pra svaju dačku i choča maksimalna pakazać joj baćkoŭskuju luboŭ.
U vyniku sud prysudziŭ Cimu Biełaruskich da dvuch hadoŭ chatniaj chimii. Jaho siabru dali stolki ž.
Čytajcie taksama:
Cima Biełaruskich adnaŭlaje kancerty — u Rasii
