Pra heta paviedamiła siońnia žurnalistam staršynia praŭleńnia Nacyjanalnaha banka Nadzieja Jermakova.
«Što datyčycca ŭkaza № 13 pa lhotnym kredytavańni, to padrychtavany prajekt ukaza Łukašenki ab uniasieńni źmianieńniaŭ, tamu što tam nie byli ŭličany pytańni vajennasłužačych i inš. Voś jany ciapier udakładnieny, i budzie ŭniesiena prapanova dakredytavać usich tych, chto zaklučyŭ raniej kredytnyja dahavory i pačaŭ užo kredytavacca, pa staroj schiemie, heta značyć pa ŭkazu № 185. Pakul prajekt ukaza znachodzicca na razhladzie, bo heta patrabuje dadatkovych srodkaŭ, jany pakul u nas nie ličacca jak krynicy. Tamu pakul pytańnie zastajecca ŭ hetym płanie adkrytym», — skazała kiraŭnik Nacbanka.
Havoračy ab mahčymych krynicach dakredytavańnia, Nadzieja Jermakova adznačyła:
«Jość tyja amal Br7 trłn., jakija byli na pačatak hoda prapisany, i jany byli na rachunku Ministerstva finansaŭ. Hrafik składzieny pamiesiačna Minfinam, my jaho padpisali, jak jany buduć vypuskacca ŭ abaračeńnie, heta značyć jak jany buduć pierachodzić i ŭ jakija terminy ŭ Biełarusbank.Niavyrašanym zastałosia tolki pytańnie ab dadatkovych kredytach dla toj katehoryi hramadzian, jakija nie padpadajuć pad ilhoty pa ŭkazu numar 13». Na hetyja mety patrebna amal Br2 trłn. Hetyja hrošy treba vyklučyć z
Taksama ŭ Biełarusi padrychtavana i praktyčna pryniata ŭžo ŭradam Kancepcyja žyllovaj palityki na 2012 hod i da kanca piacihodki, paviedamiła Nadzieja Jermakova. «Kancepcyja praduhledžvaje šerah pytańniaŭ: jakaja padtrymka budzie akazvacca, kolki budzie kaštavać, jakaja cana budzie, zychodziačy z dachodaŭ. Takim čynam, heta vialiki prahramny dakumient, jaki ŭrad budzie dakładvać Prezidentu», — adznačyła Nadzieja Jermakova.
Pavodle jaje słoŭ, u novaj kancepcyi žyllovaj palityki buduć prapisany suadnosiny dachodu i košt kvadratnaha mietra, jakija pavinny być. «Kab dachod hramadzianina za miesiac adpaviadaŭ adnamu kvadratnamu mietru», — skazała Nadzieja Jermakova. Na jaje dumku, treba płanamierna skaračać kolkaść katehoryj, jakija padpadajuć pad ilhotnaje kredytavańnie, pradastaŭlajučy pry hetym mahčymaść ludziam zarabić.
