Top-7 biełaruskich prahram dla Androidaŭ 19

Razumnyja telefony (smartfony) zdabyvajuć usio bolšuju papularnaść siarod biełarusaŭ, pieradusim praz svaju dastupnaść.

B/u-smartfon z apieracyjnaj sistemaj Android užo možna nabyć mienš, čym za $100.

Šmat prapanoŭ z rasterminoŭkaj majuć i mabilnyja apieratary. Kali zaklučyć ź imi damovu, daviadziecca płacić kala 100 tysiač rubloŭ štomiesiac na praciahu paŭtara hadoŭ.

Ahulnaja kolkaść prahram, jakija možna zapampavać sabie na smartfon z apieracyjnaj sistemaj Android, užo pieravysiła 400 tysiač.

Ź ich jość i niekalki dziasiatkaŭ, raspracavanych dla biełaruskich realijaŭ. Amal usie jany aryjentavanyja na Minsk, ale vykarystańnie niekatorych ź ich moža zrabić žyćcio bolš kamfortnym i dla žycharoŭ inšych nasielenych punktaŭ.

«Naša Niva» pradstaŭlaje TOP-7 biaspłatnych prahram z Android Market, karysnych dla biełarusaŭ.

Biełaruś. Naviny

Bałans. BY

TransPot

Testy pa praviłach darožnaha ruchu

RB Informier

Karysnyja telefony Minska

Radio of Belarus

1. Biełaruś. Naviny https://market.android.com/details?id=com.daingo.news.belarus

Chutki dostup da 15 samych papularnych navinnych resursaŭ. Siarod ich «Naša Niva», «Chartyja'97», «Biełaruski partyzan»… Jość i niekalki rasijskich partałaŭ. Prahrama davoli prostaja, faktyčna heta nabor spasyłak, jakija vyvodziać karystalnika na zapytanyja sajty.

2. Bałans.BY https://market.android.com/details?id=com.vladyud.balance

Prahrama dla kantrolu svach rachunkaŭ u režymie anłajn. Možna praviarać svoj bałans va ŭsich čatyroch apierataraŭ, a taksama ŭ bolšaści internet-pravajderaŭ. Naprykład, u Byfly, CosmosTV, ADSL.by i inšych. Dla padklučeńnia patrebny naładžany internet-pamočnik na sajcie kožnaha z apierataraŭ.Biaspłatnaja viersija prahramy pracuje z 7 akauntami — chopić navat na vialikuju siamju.

3. TransPot https://market.android.com/details?id=com.transpot

Najlepšaja prahrama z raskładam staličnaha hramadskaha transparta. Kali ŭvieści nazvu prypynku, možna atrymać śpis usich maršrutaŭ, jakija spyniajucca na im, a taksama čas ich pryjezdu. Isnuje i ŭbudavanaja Google-mapa z naniesienymi prypynkami, i navat raskład ruchu mietro. A voś pra maršrutnyja taksi infarmacyi niama, heta chiba što adziny minus prahramy.

4. Praviły darožnaha ruchu https://market.android.com/details?id=by.pdd.rules i Testy pa praviłach darožnaha ruchu https://market.android.com/details?id=by.pdd.tasks.test

Nabor ź dźviuch prahram, jakija nie dajuć nie zabycca na svaje pravy za styrnom. Heta interaktyŭnyja praviły darožnaha ruchu i test na ich viedańnie, taki samy, jaki zdajecca ŭ aŭtaškołach. Raspracoŭščyk prahram — PVUP «Novy pavarot» — uzhadniaje svaje pytańni z DAI, tamu ŭ ich adpaviednaści praviłam možna nie sumniavacca.

5. Kursy valut

Jakasnych prahramaŭ dla prahladu situacyi na valutnym rynku taksama dźvie. Kali patrebny aficyjny kurs Nacbanka, varta ŭstaloŭvać «RB Informier» https://market.android.com/details?id=com.undejavue.android.widget. NBRBwdg. U dadatak u im možna znajści kurs rasijskaha Centrabanka i košt paliva na zapraŭkach. Kali ž cikaviać pieradusim ličby ŭ abmieńnikach, lepš karystacca prahramaj «Kurs valut u Biełarusi i ŭ Minsku» https://market.android.com/details?id=com.app.ratesfinder. Jana maje minimalistyčny dyzajn, ale svajoj zadačy daje rady. Voś tolki varta pamiatać, što kurs z sajta banka, jaki i biare prahrama, nie zaŭsiody aktualny.

6. Karysnyja telefony Minska https://market.android.com/details?id=org.keyhell.muc

Tut usio prosta. Daviednik, u jakim sistematyzavanaja bieźlič numaroŭ — ad avaryjnych słužbaŭ da miedycynskich pasłuhaŭ, dastaŭki ježy i taksi. Infarmacyja tolki pa stalicy.

7. Radio of Belarus https://market.android.com/details?id=info.belsmart.belradio

Jak vynikaje z nazvy, heta prahrama dla prasłuchoŭvańnia radyjo. U śpisie 17 radyjostancyj, dźvie traciny ź jakich składajuć adhalinavańni internetaŭskaha NetRadio. Astatniaje — niekalki papsovych stancyj papsa i radyjo TUT.by.

Prahrama maje funkcyju vypadkovaj radyjostancyi paśla ŭstresvańnia telefona. Mnohija karystalniki narakajuć, što praz heta padčas prabiežak słuchać kankretnuju muzyku niemahčyma — prahrama pieraskokvaje sa stancyi na stancyju.

U jakaści dadatku pryvodzicca małapatrebnaja infarmacyja pra adlehłaść da hieahrafičnaha centra Jeŭropy.

Jak zahruzić prahramy?

Zajści ŭ prahramu «Markiet» u siabie na smartfonie i ŭvieści ŭ pošuk nazvu prahramu sa spasyłki. Naprykład, dla TransPot heta «com.transpot» (častka spasyłki, jakaja idzie paśla simvałaŭ «id=«). Albo spampavać fajły z ukazanych spasyłak sabie na kampjutar, a paśla skapiravać ich na smartfon i zapuścić.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH