Ułady Biełarusi ŭkazam № 442 ad 3 kastryčnika ŭstalavali adziny padychod da rehulavańnia inviestycyjnaj dziejnaści ŭ dačynieńni da nietraŭ, što ažyćciaŭlajecca ŭ ramkach inviestycyjnych i kancesijnych damovaŭ.
Dakumient vyznačaje abaviazak inviestara rabić razavy płaciož za prava karystańnia nietrami i kampiensavać vydatki, paniesienyja dziaržavaj na praviedzienyja
Taksama dakumient daje inviestaram dadatkovyja lhoty i prefierencyi, praduhledžanyja dekretam ad 6 žniŭnia 2009 hoda № 10 «Ab stvareńni dadatkovych umovaŭ dla inviestycyjnaj dziejnaści ŭ Respublicy Biełaruś» pry realizacyi inviestycyjnych prajektaŭ u ramkach kancesijnych damovaŭ.
Inviestycyjnyja damovy ab realizacyi na terytoryi Biełarusi inviestycyjnych prajektaŭ u dačynieńni nietraŭ, zaklučanyja da ŭstupleńnia ŭ siłu ŭkaza, nie padlahajuć pryviadzieńniu ŭ adpaviednaść z patrabavańniami dakumienta.
Ukaz ustupaje ŭ siłu z 1 studzienia 2012 hoda, za vyklučeńniem pałažeńniaŭ, jakija pradpisvajuć Savietu Ministraŭ unieści da 1 śniežnia 2011 hoda na ŭzhadnieńnie paradak raźliku startavaha pamieru razavaha płaciažu.
