U Łondanie pamior brat Łarysy Hienijuš Alaksiej Mikłaševič 2

Alaksiej Mikłaševič z synami Robiertam i Ryčardam.

U vieku 87 hadoŭ 10 śniežnia ŭ Londanie pamior rodny brat paetki Łarysy Hienijuš Alaksiej Mikłaševič.

Naradziŭsia jon u 1923 hodzie ŭ falvarku Žłobaŭcy na Vaŭkavyščynie. U 1940 hodzie razam z maci, bratami j siostrami byŭ vysłany ŭ Kazachstan. Padčas Druhoj usiaśvietnaj vajny ŭ składzie polskaj armii hienerała Andersa ŭdzielničaŭ u bitvie pry Monte-Kasina (dzie, darečy, zahinuŭ druhi brat Łarysy Antonaŭny — Arkadź).

Paśla Druhoj usiaśvietnaj vajny Alaksiej Mikłaševič žyŭ u Vialikaj Brytanii, u Šełfałdzie i Londanie. Dapamahaŭ materyjalna siastry, kali taja, viarnuŭšysia z Hułahu, žyła ŭ Zelvie j vymušana nidzie nie pracavała.

U svajoj «Spoviedzi» Łarysa Hienijuš zhadvała pra brata: «Vielmi burnym, hordym, śmiełym junakom byŭ najmałodšy z chłopcaŭ Alaksiej… Aloša nie zabyvaŭ nas. «Dźvie tysiačy bratoŭ maich lažyć tut», — pisaŭ jon mnie, pierasyłajučy zdymak Monte-Kasina j znamianituju pieśniu ab im. Chłopiec byŭ choć vady napisia — vysoki, strojny j na zdymkach amal vołat siarod akružajučych jaho drobnych, narmalnych ludziej. Alaksiej, kudoju ni prachodziła ich armija, usiudy lohka vyvučaŭ movy j razmaŭlaŭ pa-italjansku, pa-niamiecku j daskanała viedaŭ anhielskuju movu. Mnie było radasna z taho, što choć jon adziny vyžyŭ z hetaje vajny. Rod naš, Bohu dziakavać, nie zahinuŭ».

Alaksiej Mikłaševič byŭ dvojčy žanaty. U dvuch šlubach mieŭ siamiora dziaciej — šaściora synoŭ i dačku.

0

0

0

0

0

0

Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH