Kastusiu Žukoŭskamu prysudzili 5 sutak aryštu

Homielski lider arhkamiteta pa stvareńni partyi Biełaruskaja chryścijanskaja demakratyi Kastuś Žukoŭski ŭ zali suda abviaściŭ haładoŭku.

24 vieraśnia Pietrykaŭski rajonny sud pryznaŭ Kastusia Žukoŭskaha vinavatym u supracivie milicyi i niecienzurnaj łajancy ŭ hramadskim miescy. Žukoŭski svaju vinu nie pryznaŭ, a jašče raz zajaviŭ pra fakt jahonaha źbićcia achovaj prem'jer-ministra Siarhieja Sidorskaha.

Nahadajem, aktyvist BCHD niekalki sutak pravioŭ u špitali, dzie jamu pastavili dyjahnaz «strasieńnie mazhoŭ».

Kala 13-j hadziny 17 vieraśnia ŭ vioscy Laskavičy Pietrykaŭskaha rajona supracoŭniki milicyi zatrymali aktyvista, kali toj jechaŭ na etnahrafičnaje śviata «Poklič Paleśsia».

Pratrymaŭšy Žukoŭskaha piać hadzinaŭ u miascovym punkcie milicyi, jaho asudzili na troje sutak. Adnak pa darozie ŭ RAUS, suviaź z Kastusiom źnikła, a praź niekalki hadzinaŭ stała viadoma, što jon znachodzicca ŭ chirurhičnym adździaleńni Pietrykaŭskaha špitalu z čerapna-mazhavoj traŭmaj.

Pavodle Žukoŭskaha, na jaho napali i źbili ludzi z achovy Siarhieja Sidorskaha, jaki naviedaŭ śviata ŭ Laskavičach. Chutčej usiaho, z-za hetaha i vyrašyli «abiasškodzić» Žukoŭskaha.

0

0

0

0

0

0

bchd.info

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH