Staŭka refinansavańnia Nacyjanalnaha banka Biełarusi z 18 žniŭnia budzie źnižana jašče na 0,5 pracentnaha punkta i składzie 11 pracentaŭ hadavych.Adpaviednaja pastanova ad 9 žniŭnia 2010 hoda numar 335 pryniata praŭleńniem hałoŭnaj bankaŭskaj ustanovy krainy, paviedamili va ŭpraŭleńni infarmacyi Nacbanka.
Čarhovaje źmianieńnie staŭki refinansavańnia nakiravana na źnižeńnie ahulnaha ŭzroŭniu pracentnych stavak u ekanomicy. Heta źjaŭlajecca važnym faktaram zabieśpiačeńnia ekanamičnaha rostu, madernizacyi i strukturnaj pierabudovy vytvorčaści ŭ metach vychadu na jakasna novy ŭzrovień sacyjalna-ekanamičnaha raźvićcia Biełarusi.
Źnižeńniu ahulnaha ŭzroŭniu pracentnych stavak sadziejničaje i stabilnaja ekanamičnaja situacyja ŭ krainie, u tym liku nievysokaja intensiŭnaść inflacyjnych pracesaŭ. Pry hetym zachoŭvajecca dadatny ŭ realnym vyražeńni ŭzrovień pracentnych stavak bankaŭ pa rublovych układach, jaki istotna vyšejšy za dachodnaść ad zachoŭvańnia hrašovych srodkaŭ u zamiežnaj valucie.
U pieršym paŭhodździ 2010 hoda Nacbank źnižaŭ staŭku refinansavańnia try razy -- z 13,5 pracenta ŭ studzieni da 12 pracentaŭ hadavych u červieni. Z 14 lipienia jana była źnižana jašče na 0,5 pracentnaha punkta da 11,5 pracenta. Takim čynam, pa hetamu pakazčyku Nacyjanalny bank uvajšoŭ u toj kalidor, jaki vyznačany Asnoŭnymi napramkami hrašova-kredytnaj palityki na 2010 hod (9-12 pracentaŭ).
