Pjany brokier ź Vialikabrytanii, jaki kupiŭ 7 młn barelaŭ nafty, byŭ pakarany za manipulavańnie cenami na syravinu,paviedamlaje brytanskaje Upraŭleńnie pa finansavym rehulavańni i nahladzie (FSA).
Styŭ Pierkins ažyćciaviŭ uhodu 30 červienia 2009 ranicaj paśla praźmiernaha spažyvańnia ałkaholu na vychodnych. Heta pryviało da taho, što ceny na naftu Brent rezka padskočyli ŭvierch i stali vyklučna vysokimi, što ŭvažajecca za parušeńnie.
Były brokier aštrafavany na 72 tys. funtaŭ sterlinhaŭ. Aprača taho, jamu zabaroniena pracavać u finansavych ustanovach minimum piać hadoŭ.
Jaho dziejańni, zdajecca, byli vynikam mocnaha ałkaholnaha apjanieńnia, što tłumačycca ałkahalizmam, u jakim jon ciapier pryznaŭsia, kažuć u FSA. Adnak ałkahalizm — nie apraŭdańnie jahonych dziejańniaŭ, padkreślivajuć słužboŭcy.
Perkins užo prachodzić kurs lačeńnia.
0
0
0
0
0
0