П’яны брокер з Вялікабрытаніі, які купіў 7 млн барэляў нафты, быў пакараны за маніпуляванне цэнамі на сыравіну,паведамляе брытанскае Упраўленне па фінансавым рэгуляванні і наглядзе (FSA).
Стыў Перкінс ажыццявіў угоду 30 чэрвеня 2009 раніцай пасля празмернага спажывання алкаголю на выходных. Гэта прывяло да таго, што цэны на нафту Brent рэзка падскочылі ўверх і сталі выключна высокімі, што ўважаецца за парушэнне.
Былы брокер аштрафаваны на 72 тыс. фунтаў стэрлінгаў. Апрача таго, яму забаронена працаваць у фінансавых установах мінімум пяць гадоў.
Яго дзеянні, здаецца, былі вынікам моцнага алкагольнага ап’янення, што тлумачыцца алкагалізмам, у якім ён цяпер прызнаўся, кажуць у FSA. Аднак алкагалізм — не апраўданне ягоных дзеянняў, падкрэсліваюць службоўцы.
Пэркінс ужо праходзіць курс лячэння.
0
0
0
0
0
0
