U aŭtorak u Minsku adbyŭsia pieršy ahulny schod respublikanskaha dziaržaŭna‑hramadskaha abjadnańnia «Prezidencki spartyŭny kłub».
Na im na novy termin byŭ pieraabrany kiraŭnik hetaj arhanizacyi Dźmitryj Łukašenka, jaki ŭznačalvaje jaje z dnia zasnavańnia ŭ 2005 hodzie.
U adpaviednaści sa statutam Prezidenckaha spartyŭnaha kłuba, vyšejšym orhanam arhanizacyi źjaŭlajecca ahulny schod, jaki sklikajecca adzin raz u piać hadoŭ. Napiaredadni piacihadovaha jubileju Prezidencki spartyŭny kłub padvioŭ vyniki svajoj dziejnaści i akreśliŭ aryjenciry na bližejšyja hady.
Sa spravazdačaj ab rabocie kłuba za 2005‑2010 hady pierad delehatami schodu vystupiŭ staršynia centralnaha savieta Dźmitryj Łukašenka. Jon adznačyŭ, što pieršyja piać hadoŭ možna ličyć etapam paśpiachovaha stanaŭleńnia arhanizacyi. «Vyniki dziejnaści Prezidenckaha spartyŭnaha kłuba dazvalajuć nam z upeŭnienaściu hladzieć u budučyniu, stavić pierad saboj novyja, jašče bolš ambicyjnyja mety i zadačy», — padkreśliŭ kiraŭnik.
Na praviadzieńnie roznych spabornictvaŭ kłubam (jaki finansujecca ź biudžetu) z 2005 hoda było vydzielena Br3, 483 młrd. Prezidencki spartyŭny kłub tradycyjna ŭvachodzić u lik arhanizataraŭ takich spabornictvaŭ, jak Kaladny mižnarodny turnir amataraŭ chakieja na pryz prezidenta Respubliki Biełaruś; etap kubka śvietu pa samba na pryzy Prezidenta Respubliki Biełaruś; Mižnarodny turnir BFST «Dynama» pa mastackaj himnastycy na pryzy alimpijskaj čempijonki Maryny Łobač; mižnarodnyja spabornictvy sieryi Hran‑pry pa fihurnym katańni siarod junijoraŭ «ijenski lod».
