U śfiery hramadskaha charčavańnia Minska na 1 studzienia 2010 hoda pracavali 571 stałovaja, 307 kafe, 241 bar, 133 restarany, 108 mini‑kafe, 73 kafieteryi, 17 restaranaŭ chutkaha absłuhoŭvańnia, 356 inšych ab`iektaŭ hramadskaha charčavańnia.
Takija źviestki publikuje Hałoŭnaje statystyčnaje ŭpraŭleńnie stalicy.
Za minuły hod kolkaść restaranaŭ pamienšyłasia na 15 adzinak, stałovych — na vosiem, restaranaŭ chutkaha absłuhoŭvańnia — na piać, mini‑kafe — na dva. Kolkaść ža kafe pavialičyłasia na 25 adzinak. Kolkaść baraŭ zastałasia na ŭzroŭni 2008 hoda.
Bolš za ŭsio ab`iektaŭ hramadskaha charčavańnia ŭ 2009 hodzie naličvałasia ŭ Centralnym rajonie horada (15,7% ad ahulnaj kolkaści pa Minsku), mienš za ŭsio — u Zavodskim (8,7%).
Pry hetym u Zavodskim rajonie zasiarodžana najbolšaja kolkaść stałovych — 14% ad ahulnaj kolkaści stałovych pa stalicy.
Letaś na 10.000 žycharoŭ Minska prypadali 24 ab`iekty roźničnaha handlu i 10 ab`iektaŭ hramadskaha charčavańnia. Hetyja pakazčyki nižejšyja čym u siarednim pa krainie na 21 i dva ab`iekty adpaviedna.
Roźničny handal u Minsku ŭ 2009 hodzie ažyćciaŭlali 3.109 mahazinaŭ, 822 pałatki i kijoski, 43 handlovyja centry i 490 aptek. Z ahulnaj kolkaści mahazinaŭ 897 — charčovyja, 2.035 — niecharčovyja, 177 mahazinaŭ ažyćciaŭlali źmiešany handal tavarami. Za minuły hod kolkaść mahazinaŭ u horadzie pavialičyłasia na 326 adzinak, aptek — na 40 adzinak, handlovych centraŭ — na piać. U toj ža čas kolkaść pałatak i kijoskaŭ skaraciłasia na 106 adzinak.
Najbolšaja kolkaść mahazinaŭ u 2009 hodzie znachodziłasia ŭ Centralnym rajonie (14,4%), najmienšaja — u Partyzanskim (8,1%).
Asnoŭnaja častka (78%) ab`iektaŭ roźničnaha handlu sietki znachodziłasia na bałansie arhanizacyj pryvatnaj formy ŭłasnaści. 19,2% ab`iektaŭ handlu naležali arhanizacyjam dziaržaŭnaj formy ŭłasnaści i 2,8% — zamiežnaj.
U sietcy hramadskaha charčavańnia 52,2% ab`iektaŭ znachodziłasia ŭ pryvatnaj ułasnaści i 45,4% — u dziaržaŭnaj. Arhanizacyjam zamiežnaj formy ŭłasnaści naležała tolki 2,4% ab`iektaŭ hramadskaha charčavańnia.
