Ministerstvam kultury Respubliki Biełaruś pryniata rašeńnie ab stvareńni Respublikanskaj restaŭracyjnaj rady pa kulturnych kaštoŭnaściach.Jon budzie dziejničać pry Ministerstvie kultury. U skład novaha orhana ŭvajšło 14 prafiesijnych śpiecyjalistaŭ pa pytańniach restaŭracyi.
Paviedamlajecca, što rašeńnie ab stvareńni savieta pradyktavana nieabchodnaściu ŭzmacnieńnia pracy, nadańnia bolšaj uvahi pytańniam restaŭracyi i kansiervacyi historyka-kulturnych kaštoŭnaściej. Novy orhan pavinien skaardynavać dziejnaść restaŭracyjnych savietaŭ muziejaŭ, biblijatek, inšych jurydyčnych i fizičnych asob, u tym liku indyvidualnych pradprymalnikaŭ, jakija pravodziać raboty pa restaŭracyi i kansiervacyi.
Płanujecca, što siarod funkcyj Rady važnaje miesca buduć zajmać razhlad i pryniaćcie rašeńniaŭ pa pytańniach arhanizacyi, daśledavańnie i ažyćciaŭleńnie pracesaŭ restaŭracyi i kansiervacyi kulturnych kaštoŭnaściej, padrychtoŭka zaklučeńniaŭ pa vykananych rabotach, acenka jakaści praviedzienych rabot i adpaviednaści ich mietodyki praviadzieńnia rabot pa restaŭracyi i kansiervacyi kulturnych kaštoŭnaściej.
Restaŭracyjny saviet taksama nadzielać pravam unosić prapanovy i rekamiendacyi pa palapšeńniu i ŭdaskanaleńniu restaŭracyjnaj dziejnaści, pa padrychtoŭcy rekamiendacyj ab ŭzroŭni kvalifikacyi mastakoŭ-restaŭrataraŭ i ŭniasieńniu prapanoŭ pa razhladu ich kvalifikacyi z metaj prysvajeńnia adpaviednaj katehoryi. Pry nieabchodnaści Rada budzie mieć prava pryciahvać dla praviadzieńnia restaŭracyi kulturnych kaštoŭnaściej abo kansultacyj pa pytańniach vykanańnia restaŭracyjnych rabot śpiecyjalistaŭ ź inšych krain, uzhadniać ŭmovy i paradak praviadzieńnia stažyrovak mastakoŭ-rastaŭrataraŭ.
