Raniej žychar Ščučyna adbyvaŭ termin u papraŭčaj ustanovie adkrytaha typu pavodle art. 328 Kryminalnaha kodeksa (niezakonny abarot narkatyčnych srodkaŭ, psichatropnych rečyvaŭ), dzie jamu zamianili pakarańnie z abmiežavańnia voli na pazbaŭleńnie voli terminam na dziesiać miesiacaŭ i siem dzion.
U lipieni 2023 hoda ŭ Ščučynie nad Vadzimam adbyŭsia sud pavodle art. 369 Kryminalnaha kodeksa (abraza pradstaŭnika ŭłady). Zhodna z abvinavačvańniem, budučy ŭ PUAT, jon napisaŭ «abraźlivyja» kamientary, za što jaho asudzili na adzin hod i try miesiacy pazbaŭleńnia voli va ŭmovach strohaha režymu.
Termin Vadzim adbyvaŭ u papraŭčaj kałonii № 11 u Vaŭkavysku. Adrazu pa prybyćci va ŭstanovu jašče na «karancinie» za parušeńnie «praviłaŭ unutranaha rasparadku» (PUR) jaho pazbavili doŭhaterminovaha i karotkaterminovaha spatkańniaŭ, a taksama źmiaścili ŭ štrafny izalatar na piać sutak. Paśla heta Vadzima adrazu pryznali «złosnym parušalnikam režymu».
Pavodle materyjałaŭ spravy, paźniej Vadzimu Husievu vypisali jašče šeść spahnańniaŭ. Tak, naprykład, jaho adpravili na adzin miesiac u pamiaškańnie kamiernaha typu za toje, što nie pradstaviŭsia načalniku apieratyŭnaha adździeła pa ŭstanoŭlenaj dla hetaha formie. Taksama palitviaźnia karali za toje, što jon lažaŭ na padłozie ŭ kamiery ŠIZA, admoviŭsia rabić prybirańnie.
Za nieadnarazovaje parušeńnie PUR administracyja kałonii inicyjavała zaviadzieńnie suprać palitviaźnia kryminalnaj spravy pa art. 411 KK («Złosnaje niepadparadkavańnie patrabavańniam administracyi kałonii»). Sud nad im adbyŭsia ŭ Vaŭkavysku 22 studzienia.
Sudździa Mikałaj Siarhiejka asudziŭ Vadzima jašče da adnaho hoda kałonii, a z ulikam nieadbytaha raniej pakarańnia kančatkova pryznačyŭ jamu pazbaŭleńnie voli terminam na adzin hod i try miesiacy va ŭmovach strohaha režymu.
Čytajcie taksama:
Ukrainski konsuł naviedaŭ homielskuju žanočuju kałoniju
Łukašenka dazvoliŭ spatkańnie ŭ kałonii Anžaliki Borys z žurnalistam Andrejem Pačobutam
Palitviazień Siarhiej Sparyš skardzicca na adsutnaść miedycynskaj dapamohi