Demanstranty razmachvajuć vielizarnym iranskim ściaham na antyizrailskim mitynhu na płoščy Fieleścin (Paleścina) u Tehieranie, 15 krasavika 2024 hoda. Fota: Vahid Salem / AP
Izrail zapatrabavaŭ ad dziasiatkaŭ zachodnich krain uvieści sankcyi suprać Irana ŭ adkaz na zapusk bolš za 300 dronaŭ i rakiet pa jaho terytoryi ŭ noč na niadzielu. Pakul uvieś śviet čakaje reakcyi Jerusalima na dziejańni Tehierana, Zachad zaklikaje baki da strymanaści, kab paźbiehnuć eskałacyi kanfliktu na Blizkim Uschodzie, piša Bi-bi-si.
U paniadziełak načalnik Hienieralnaha štaba Izraila Hiercy Chalevi zajaviŭ, što napad Irana na Izrail, jaki staŭ adpłataj za hibiel vajskoŭcaŭ Korpusa vartavych Isłamskaj revalucyi ŭ Damasku 1 krasavika, zasłuhoŭvaje adkaznych dziejańniaŭ.
Pavodle infarmacyi miascovych ŚMI, izrailski ŭrad choča pakarać Iran za napad, nie vyklikajučy pry hetym tatalnaj vajny.
Pa ich słovach, ministry taksama chacieli dziejničać u kaardynacyi z Vašynhtonam.
Amierykanskija aficyjnyja asoby ŭžo dali zrazumieć, što ZŠA nie buduć brać udzieł u vajskovych dziejańniach suprać Irana.
Niahledziačy na toje, što z momantu biesprecedentnaha iranskaha napadu prajšło ŭsiaho dva dni, palityčnyja roznahałośsi ŭsio jašče zachoŭvajucca.
Čytajcie taksama:
Jak Izrail moža adkazać na iranskuju ataku?
Čamu Izrail adbiŭ hrandyjozny ŭdar Irana? Biez dapamohi sajuźnikaŭ usio było b zusim nie tak radasna
MZS Biełarusi vyraziŭ «hłybokuju zaniepakojenaść», ale asudžać Iran nie staŭ
Bajden zajaviŭ, što Izrail i ZŠA źbili amal usie zapuščanyja Iranam rakiety
