Ilustracyjnaje fota «Naša Niva»
U Ministerstvie abarony rastłumačyli źmieny zakanadaŭstva, jakija datyčacca SMS-apaviaščeńnia hramadzian dla jaŭki ŭ vajenkamat.
Ciapier hramadzianie mohuć atrymlivać apaviaščeńnie ab tym, što im nieabchodna źjavicca ŭ vajenkamat, praz servis karotkich paviedamleńniaŭ.
Fota: Minabarony
SMS-paviedamleńni stanuć dadatkovym kanałam apaviaščeńnia. Pozva pa-raniejšamu zastaniecca asnoŭnym.
Zaraz apierataram suviazi kožnamu vajennamu kamisaryjatu budzie prysvojena tak zvanaje alfa-imia. Jano budzie značycca ŭ hrafie adpraŭščyka. Sa śpisam alfa-imionaŭ, prysvojenych vajenkamatam, možna aznajomicca na aficyjnym sajcie Minabarony.
Alfa-imiony vajenkamataŭ na prykładzie Minska. Fota: Mil.by
Paviedamleńnie ad vajennaha kamisaryjata budzie źmiaščać nastupnuju infarmacyju: čas i data jaŭki, jaje meta, adras pa jakim treba źjavicca, a taksama telefon dla daviedak.
Paviedamleńnie nie źmiaščaje spasyłak i nie patrabuje adkazu. Asabistyja abo pašpartnyja danyja pa telefonie vajenkamat nikoli nie zapytvaje, padkreśliła pradstaŭnička Minabarony Natalla Haŭrusik.
