Fota ilustracyjnaje
Pa infarmacyi vydańnia, 59-hadovaha biznesmiena znajšli biez prytomnaści ŭčora kala 23.00 u jaho domie ŭ katedžnym pasiołku ŭ Padmaskoŭi. Vyratavać mužčynu nie ŭdałosia.
Pryčyny i abstaviny hibieli biznesmiena nie paviedamlajucca, ale śćviardžajecca, što ŭ jaho śmierci nibyta niama kryminalnaha śledu.
Viačasłaŭ Raŭniejka — vypusknik MDIMA, pracavaŭ u firmie «Sajuznaftaekspart», niejki čas — u Bielhii. U 2000 hodzie ź Leanidam Dziačenkam — na toj momant mužam dački eks-prezidenta Rasii Barysa Jelcyna Taćciany Dziačenka — zasnavaŭ kampaniju Urals Energy N. V., byŭ taksama saŭładalnikam bielhijskaj naftatrejdynhavaj kampanii Nafta (B) N. V. i hiendyrektaram Mižrehijanalnaha paliŭnaha sajuza.
Rasijskija ŚMI raniej pisali, što padčas pracy ŭ Bielhii Raŭniejka moh być dobra znajomy ź ciapierašnim kiraŭnikom zamiežnaj raźviedki Rasii Siarhiejem Naryškinym, dy i sam moh mieć suviazi z hetaj samaj raźviedkaj.
U apošni hod naviny pra toje, što ŭ Rasii pry ćmianych abstavinach hinuć, pamirajuć ci kančajuć žyćcio samahubstvam byłyja ci ciapierašnija čynoŭniki, siłaviki ci bujnyja biznesmieny, prychodziać dastatkova rehularna.
Čytajcie taksama:
U Maskvie skončyŭ žyćcio samahubstvam były vysokapastaŭleny siłavik, jaki zmahaŭsia i ź inšadumstvam
U Rasii vypała z akna načalnica ŭpraŭleńnia finansavaha zabieśpiačeńnia Ministerstva abarony RF
Samahubstvy, zabojstvy i niaščasnyja vypadki. Jak chvala śmierciaŭ zachlisnuła bujny rasijski biznes
