Kadr ź videa NBC News
Vizit adbyŭsia jašče 13 lutaha.
Karespandent NBC News zapisaŭ tam karotki dyjałoh z vajskoŭcam.
— Kali daviadziecca zmahacca, vy hatovy? — zapytaŭsia žurnalist.
— Kaniečnie! Tak! Tak! Hryźci budziem!
«Jany kažuć, što chočuć miru, niahledziačy na toje, što dapamahajuć Rasii», — źviartaje ŭvahu zamiežny karespandent na paradoks aficyjnych zajaŭ.
Telehram-kanał «Biełaruski hajun» identyfikavaŭ, chto hety aficer. Heta nie bajec i nie kamandzir, a palitruk-ideołah 38-j bryhady Uzbrojenych siłaŭ RB.
«Zvuć jaho Suchaviła Siarhiej Michajłavič, a pasada jaho ŭ 38-j bryhadzie (dakładniej u v/č 92616 h. Bresta) hučyć tak: namieśnik kamandzira bryhady pa ideałahičnaj pracy — načalnik adździeła ideałahičnaj raboty», — piša «Hajun».