Jon padychodzić nie dla ŭsich typaŭ pralnych mašyn i myje nie tak dobra, jak abiacaje. Pra heta paviedamlaje pres-słužba Dziaržstandarta.
U vyniku pravierki ŭstanoŭlena, što vytvorca hetaha myjnaha srodku ŭ markiroŭcy naŭmysna pakazaŭ pryznačeńnie pradukcyi «dla vykarystańnia ŭ pralnych mašynach luboha typu». Ale pry hetym jano nie moža prymianiacca jak srodak dla myćcia dla pralnych mašyn z frantalnaj zahruzkaj, pakolki pakazčyk «pienaŭtvaralnaja zdolnaść» pry normie nie bolš za 180 mm skłaŭ 195±5 mm.
«Pieravyšeńnie pakazčyka «pienaŭtvaralnaja zdolnaść» uvodzić u zman spažyŭca pradukcyi adnosna jaje pryznačeńnia, jakaści i biaśpieki i nie vyklučaje ryzyku biaśpiečnaha prymianieńnia myjnaha srodku ŭ pralnych mašynach z frantalnaj zahruzkaj», — adznačyli ŭ Dziaržstandarcie.
Da taho ž pa pakazčyku «myjnaja zdolnaść», jaki pavinien składać nie mienš za 85%, pakazčyk kankretna hetaha parašku skłaŭ 74,3±5,4%, što taksama ŭvodzić u zman spažyŭca adnosna jakaści srodku.
