«Pakolki heta niesankcyjanavanyja tavary, heta aznačaje, što jany pieravoziacca pa kamiercyjnych ździełkach. Kamiercyjnyja arhanizacyi sustrakajucca, padpisvajucca damovy, vypłačvajucca hrošy, tavary pastupajuć u Kłajpiedski port, adtul — dalej u śviet. Urad nie adsočvaje hetyja tavary, i, ščyra kažučy, ja mahu navat nie viedać, jakija tavary tam chodziać», — skazaŭ Łandśbierhis žurnalistam u aŭtorak u Siejmie.
«Sapraŭdy hetak ža, kali kamiercyjnaja ździełka ažyćciaŭlajecca z Ukrainy praź Biełaruś, praź lubuju inšuju dziaržavu, dla kamiercyjnych ździełak urad Litvy nie maje nijakich mier abo nieabchodnaści rehulavać ich, kali heta tolki handal», — dadaŭ jon.
Na minułym tydni Biełaruś zajaviła AAN, što dazvolić tranzitam praz svaju terytoryju ŭ Kłajpiedski port dastaŭlać ukrainskaje zbožža.
Minsk ukazaŭ, što daść taki dazvoł biez papiarednich umoŭ, ale ŭ toj ža čas nahadaŭ ab svaim zapycie dazvolić krainie ekspartavać svaje kalijnyja ŭhnajeńni, na jakija raspaŭsiudžvajucca mižnarodnyja sankcyi.
Łandśbierhis zajaviŭ, što nie budzie vieści pieramovy pa palityčnych pytańniach ź biełaruskim režymam.
«Kali jość palityčnyja pretenzii, to ŭrad, niesumnienna, umiešvajecca, i tut my ŭžo strohija: nijakich palityčnych pieramoŭ z režymam Łukašenki ab tranzicie praz terytoryju Biełarusi ŭ Litvu nie budzie», — skazaŭ kiraŭnik litoŭskaj dypłamatyi.
Prezident Hitanas Naŭsieda ŭ minułuju subotu nazvaŭ prapanovu Biełarusi pastkaj.
